ଅର୍ଚ୍ଚନା ର ତାଲା ବନ୍ଦ ଡାଏରୀ-୭

ଆରେ ତମକୁ କେତେ ଥର କହିଲିଣି ଟିକେ ତେଲ ଲୁଣ କଥା ବୁଝ ବୋଲି । ହେଲେ ତମେ .....ହୁଁ.....

- ଆରେ ଘରଣୀ ରାଣୀ ତମେ କ'ଣ ବୁଝିିିବ ପରିସ୍ଥିତି କଥା ?

ତମେ ତ ଆକାଶ ରେ ଉଡୁଛ ନା........

- ତମେ ମରଦ ପୁଅ । କୋଉଠୁ ବୁୁଝିିିବ ପିଲା ମାନଙ୍କ ଅଳି ?

ଏମିତି ପାଟି ଶୁଣା ଯାଉଥାଏ ପଡିଶା ଘରୁ । ପଇସା ସରି ଆସିିିଲାନିି । ତେଣେ ପରିବାର ର ବୋଝ । କାମ କଲେ ପଇସା ବାକି । ସେପଟେ ଦର ଦାମ ର ବୃଦ୍ଧି । କ'ଣ କରିବ ଏ ମଣିଷ ? କିିିଛି ବୁଝି ହେଉନି । ରାମ ଭାଇ ମୁଣ୍ଡରେ ହାତ ଦେଇ ବସିଲାଣି । ତେଣେ ତା'ର ସ୍ତ୍ରୀର ଗୋଟିଏ ଜିଦି....ତମେ ଯେମିିିତି ହେଉ କିିିଛି ପରିବା ଆଉ ଡାଲି ଚାଉଳ ଆଣ । ସରକାର କିିଛି ଦେଇ ଥିଲେ କିନ୍ତୁ ସେ ସବୁ ଯେ ଦରିଦ୍ର ସାଗରକୁ ଅଳ୍ପ ପାଣି ଟିକେ ଯାହା । ହେଉ ଏ କରୋନା ତ ସବୁ ସାରିିଛି । ତେଲ ଲୁୁଣ ସଂସାର ଚାଲିିିଥିଲା ଭଲରେ । ପୁଣି ଦାଉ ସାଜିଲା ଏ ନିିଆଁ ଲଗା ରୋଗ । ଆହା କେତେ ଲୋକ ଙ୍କ ଜୀବନ ଆଉ ଜୀବିକା .....

    ଶୁଣା ଗଲା ସରକାର କିଛି ରାସନ ଜିିନିଷ ଦେବେ। 

ଦେବୀ ଭାଉଜ କେତେ ଖୁସି ହେଲେ ଦେଖି ହେବନି ତାଙ୍କୁ । ଲକ୍ଷେ ଜୁହାର ପକେଇ ସେ କହିଲେ , ହେ ପ୍ରଭୁ ! ଆମ ସରକାରଙ୍କୁ ଲକ୍ଷେ ପରମାୟୁ ଦିିିଅ । ସେ ଆମର ଭଗବାନ । କିିିଛି ଦିନ ତ ଚଳିିିଯିବ ସଂସାର ......

    ଆଖିରେ ଲୁହ ଆସି ଯାଉ ଥାଏ ମୋର ତାଙ୍କ କଥା 

ଶୁଣି । ସତରେ ସେ କେତେ ନିିରିହ ବଧୂ ......

     ହେଇଟି ଜଲ୍ଦି ଯାଅ ହେ ରାସନ ଜିନିଷ ଆଣିବ । ହଁ ଯାଉଛି କହି ଚାଲିଗଲେ ରାମ ଭାଇ । 

    ହେଲେ କିଛି ଜିନିଷ ନ ଆଣି ଖାଲି ହାତ ରେ ଫେରିଲେ ରାମ ଭାଇ । ଦେବୀ ଭାଉଜ କହିଲେ , ହେଇଟି ! ତମେ ଖାଲି ହାତ ରେ କ'ଣ ଫେରିଛ କି ?

   କ'ଣ କରିିବି ସେ ଆଧାର କାର୍ଡ ପରା ଭୁଲ୍ ଅଛି । 

ଭାଉଜ ମନ ମାରି ବସି ଗଲେ । କହିଲେ, ଚୂଲି କୁ ଯାଉ ସେ ଆଧାର କାର୍ଡ .......। ଯେତେ ଥର ପକେଇଲେ ବି ଭୁୁୁଲ ଆସୁଛି । ଗରିବ ଲୋକ ଆମେ କେତେ ଆଉ ଆଧାର କାର୍ଡ ସଜାଡ଼ିବୁ ।

   ମୁଁ ବି ଭାବୁୁୁଥିଲି ସତରେ ମୁଠେ ଭାତ ଆଉ ଏ କାଗଜ ପତ୍ର କଥା ଆଉ ସରଳ ଲୋକ ମାନଙ୍କ କଥା ।