Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Dipti lekha Mishra

Fantasy


1.0  

Dipti lekha Mishra

Fantasy


ଅଚାନକ ଭେଟ

ଅଚାନକ ଭେଟ

2 mins 249 2 mins 249

ନଟିଆ ନନା ସେଦିନ ବି କାନ୍ଦୁଥିଲା ଆଉ ଆଜି ବି କାନ୍ଦୁଛି, କାରଣ ତାର ସ୍ବପ୍ନ ସାକାର ହୋଇପାରିଲାନି । ସେ ବୁଝିସାରିଥିଲା କି ବୁଢା ହୋଇଯିବା ଯୋଗୁଁ କେହି ଆଉ ଆଗଭଳି ଖାତିର କରୁନାହାଁନ୍ତି ।

ଦଶମ ଶ୍ରେଣୀ ପିଲାଙ୍କୁ ପାଠ ପଢାଉଥିବା ନଟିଆ ନନା ହଠାତ ଶ୍ରେଣୀକକ୍ଷରେ ସୋନାକୁ ଶକ୍ତ ଚାପୁଡାଟିଏ ମାରିଲେ । ମାରିବା ପାଇଁ ଈଛା ନଥିଲା । ନଟିଆ ନନା ଜାଣିଥିଲା ଯେ ଯେତେ ମାରିବା ସେତେ ମାଡୁଆ ହେବ । ତାକୁ ବୁଝାଇଲେ ପୁଣି ପାଖକୁ ଟାଣିଆଣି ଆଉ କହିଲେ ଆରେ ପୁଅ ବାପା ତ କୁଆଡେ ଚାଲିଗଲା ଆଉ ଏ ମାଆର ତୁ ଏକମାତ୍ର ପୁଅ । ତୋରି ମୂହଁକୁ ଦେଖି ମାଆ ତାର ଦିନତମାମ ହେଉଥିବା ସବୁ କଷ୍ଟ ଭୂଲିଯାଏ । ତୋ ପାଇଁ ସେ ଅନ୍ୟ ଘରମାନଙ୍କୁ ଯାଈ ବାସନକୁସନ ସଫା କରି ଦି ପଇସା ଆଣେ । ତୋତେ ମଣିଷ କରିବ ବୋଲି ସେ କେତେ କଣ କଷ୍ଟ ସହୁଛି । ଆଖିର ଲୂହକୁ ଆଖିରେ ହାଁ ଶୁଖାଇଦେଉଛି ଅଥଛ ତୁ ବାଳୁଙ୍ଗା ହେଇଗଲୁଣି ।

ସୋନା ବଡପାଟିରେ କହିଲା ଆରେ ହଁ ଯେ ମୁଁ କଣ କଲି ?

ସାର କହିଲେ ତୁ ଜାଣିନୁ ତୁ କଣ କରିଛୁ ?

ସୋନା କହିଲା ନା ମୁଁ ଜାଣିନି ,ମୋତେ କୁହନ୍ତୁ ମୁଁ କଣ ଭୂଲ କଲି ?

ସାର କହିଲେ ତୋ ବ୍ୟାଗ ଦେଲୁ ।

ସୋନା କହିଲା କାହିଁକି ?

ସାର କହିଲେ ଦେବୁ ନା ନାହିଁ କହ ?

ସାରଙ୍କୁ ବ୍ୟାଗଟି ବଢାଇଦେଲା ଆଉ ନିରେଖି ଦେଖିଲା ସାର କଣ କରୁଛନ୍ତି । ସାର ବ୍ୟାଗରୁ ସିଗାରେଟ ପ୍ୟାକେଟ ଟା ବାହାର କରି ଦେଖାଇଲେ ଇଏ କଣ କହ ? ତୁ କିଛି ଜାଣିନୁ କହୁଥିଲୁ ନା ଏଥର ସତ କହ । ନ ହେଲେ ତୋ ପିଠିରୁ ଛାଲ ଉତାରିଦେବି ।

ସୋନା ପୁରା ଛାନିଆ ହୋଇ ଦେଖୁଥାଏ । ସାରଙ୍କ କେଉଁ କଥା ବି କାନରେ ପଡିନି । ଚିଈଁକି ଉଠିଲା ଭଳି କହିଲା ନାଇଁ ସାର ମୁଁ ଜାଣିନି । ମୁଁ ୟାକୁ କିଣିନି । ମାଆ ଦଶ ଟଙ୍କା ଦେଈଥିଲା ଟିଫିନ ଖାଇବାକୁ ହେଲେ ମୁଁ ଏବେ ବି ରଖିଛି । କିଛି ଖାଇନି । କଣ ପାଇଁ ନା ସାର ମୋ ମାଆ ସିଲେଇ କରିବ ମୋ ସାର୍ଟପ୍ୟାଣ୍ଟ । ହେଲେ ଛୁଞ୍ଚିସୂତା ଆଣିପାରୁନି କହହି ସିଲାଏନି । ସେ ସବୁ ପଇସା ହିସାବ କରିଥାଏ । ମୋ ଖାଇବା ଖର୍ଛ ଆଗ । ଏଣୂ ମୁଁ ମୋ ମାଆ ପାଇଁ ଛୁଞ୍ଚିସୂତା କିଣିବି ବୋଲି ଖାଇନାହିଁ ଏ ଟଙ୍କା ରଖିଛି ।

ସାରଙ୍କ ଆଖିରେ ଲୂହ ଆସିଗଲା । ଏଡିକି ବକଟେ ଛୁଆ ମାଆର ଦୁଃଖ ତ ବୁଝିଛି ହେଲେ ଏ ସିଗାରେଟ ପ୍ୟାକେଟ !! ଓଃ ମୁଣ୍ତ ବିନ୍ଧିଲାଣି ଏ କଣ ହେଉଛି ?

ହଠାତ ଆଉ ଏକ ସାଙ୍ଗ ଆସି ତା ବ୍ୟାଗଟି ଛଡାଇ ନେଲା ଆଉ ସିଗାରେଟ ବାହାର କରି ପ୍ୟାଣ୍ଟ ମୁଣାରେ ମାରିଲା । ସାରଙ୍କ ଆଖିରେ କିନ୍ତୁ ସବୁ ଫୋଟ ହୋଇ ରହିଗଲା । ସେ ପିଲାର ବାପା ମାଆ ଦୁହେଁ ନାହାଁନ୍ତି । ସେ ପୁଣି କେମିତି ବୁଝିବ । ଏ ପିଲାମାନେ କାହିଁକି ବାଟବଣା ହୁଅନ୍ତି କେଜାଣି ?

ସାର ସୋନାକୁ ତା ଘରେ ଛାଡି ଆସିବେ ବୋଲି କହି ସାଙ୍ଗରେ ଗଲେ । ଦେଖିଲେ ଆରେ ଇଏ କଣ ? ଇଏ ତ ମୋ ପିଉସି ଝିଅ । ଆଲୋ ହୁଣ୍ତି ମୋତେ ଚିହ୍ନିଲୁ କି ନାଇଁ । ମୁଁ ତୋ ବଡ ଭାଇନା ।

ସୋନାର ମାଆ ଦୌଡି ଦୌଡି ଆସିଲେ ଆଉ ପ୍ରଣାମ କଲେ । ଭାଇ ଭଉଣୀ ଦୁହେଁ ଭାରୀ ମନ ଭରି କଥା ହେଲେ ଆଉ ଭଉଣୀର ଦୁଃଖ ଦେଖି ସହପାରିନଥିଲା ନଟିଆ ନନା । ସୋନାର ପଢା ଦାୟୀତ୍ବ ନେବା ପାଇଁ ପଣ କରିଥିଲେ ।


Rate this content
Log in

More oriya story from Dipti lekha Mishra

Similar oriya story from Fantasy