Library
Profile
ଯୁଦ୍ଧର ଭୟ ରୁନ୍ଥିଭୂତ ପ୍ରାଣ ଭିତର
ଯୁଦ୍ଧର ଭୟ ରୁନ୍ଥିଭୂତ ପ୍ରାଣ ଭିତର
ଅଭିମନ୍ୟୁ ପରି ଏବେ ମଣିଷ ଘେରା
ହୋଇଛି ଯୁଦ୍ଧଖୋରୀଙ୍କ ବ୍ୟୁହରେ
ମନରେ ରହୁଛି ଅକସ୍ମାତ୍ ଅପରିସୀମା
ଯୁଦ୍ଧର ଭୟ ରୁନ୍ଥିଭୂତ ପ୍ରାଣ ଭିତରେ ।
ମଣିଷ ଭିତରେ ରହିଛି ପୁରି ପଞ୍ଚ ମନ
ପଚିଶ ପ୍ରକୃତି ପ୍ରଭୃତିର ବିକିରଣ
ସେ ପ୍ରାବଲ୍ୟତା ଭେଦି ବହିର୍ମୁଖୀ ଲାଭା
ଜଣା ନାହିଁ କେବେ ହେବ ଉଦ୍ଗୀରଣ ।
କୋରୋନା ପରେ, ଅସୁସ୍ଥତା କାରଣରୁ
ମଣିଷ ଚାହେଁ ଶୁଭ ଶାନ୍ତିତ୍ୱର ଚିନ୍ତନ
ଭାବି ନଥିଲା ସାମ୍ରାଜ୍ୟବାଦୀଙ୍କ ପାଗଳାମି
ବିଶ୍ୱକୁ ଧ୍ୱଂସ କରିବାର ଯୋଜନା ମାନ ।
ଆଣବିକ ଗବେଷଣାଗାର ଭିତରେ ସତେ କି
ଚିନ୍ତା କରି ନଥିଲେ ସର୍ବଶ୍ରେଷ୍ଠ ଗବେଷକଗଣ
ବିଶ୍ୱରେ ପ୍ରାଣୀ ଜୀବନର ଧ୍ଵଂସ ଆଣିବ ଦିନେ
ନା ଦିନେ ଆଟମିକ ବମ୍ବର ଉଦ୍ଭାବନ ।
କଣ କହିବା କୁହ ଅଷ୍ଟାଦଶ ଶତାବ୍ଦୀର ମତରେ
ବିଶ୍ୱାସ ରଖୁଥିବା ସେହି ମତାନ୍ଧ ମାନଙ୍କୁ
ବିଡ଼ମ୍ବନା ହିଁ ସାର ହେବ କ୍ଷମତାରେ ବସନ୍ତି ସେହି
ମନୁଷ୍ୟଗଣ ବିଶ୍ୱର ଭାଗ୍ୟ ନିର୍ଦ୍ଧାରଣ କରିବାକୁ ।
ଆଣବିକ ହେଉ କି ମାନବିକ ଅଧିକାରର ସୁରକ୍ଷା
ପାଇଁ ବଶ୍ୱ ଶାନ୍ତି ତ ନିହାତି ପ୍ରୟୋଜନ
ସମାଜକୁ ହେଉ ଅଥବା ମଣିଷ ବ୍ୟକ୍ତିତ୍ଵ ପାଇଁ ସବୁ
ଉତ୍କଟ, ଯଦି ନରହିବ ଶାନ୍ତ ପରିବେଶର ସନ୍ତୁଳନ ।
ସାମ୍ରାଜ୍ୟ ପାଇଁ ସାମ୍ରାଜ୍ୟବାଦୀ ଭିତରେ ଲୋପ
ପାଇଛି ମାନବିକ ସବୁ ସମ୍ବେଦନା
ଭସ୍ମାସୁର ବ୍ରତରେ ସେ ବ୍ରତୀ ହୋଇଛି, କଅଣ
କରିବ ତାର ସମଗ୍ର ବିଶ୍ଵ ଅନୁଷ୍ଠାନ ଥାଇ ସିନା ।
ବ୍ରହ୍ମାସ୍ତ୍ର ଏବଂ ବୈଷ୍ଣବାସ୍ତ୍ର ପରି ପରମାଣୁ ଶକ୍ତିର
ପ୍ରୟୋଗେ ଘଟିବ ଯେଉଁ ବିଘଟନ
ସର୍ବହରାର ହାରିବାକୁ ନାହିଁ କିଛି,ସେ ହରେଇ
ପାରେ ସାମ୍ରାଜ୍ୟବାଦକୁ ହେଉ ଯତେ କ୍ଷମତାବାନ
