ଯୁଦ୍ଧ ୨୦୨୨
ଯୁଦ୍ଧ ୨୦୨୨
ବାଣିଜ୍ୟ ରାକ୍ଷସ ଖେଳୁଛି ଖେଳ
କ୍ଷମତାର ମୋହ ଡ଼ାକୁଛି କାଳ
ନିରୀହ ଜନ ପେଶି ହୋଇଯାଏ
ପଡ଼ିଛି ତାହାର ଖରାପ ବେଳ,
ସାପକୁ ଚିହ୍ନରେ କେଳାକୁ ଜାଣ
ବୁଦ୍ଧିଲଗାଇ ଦେଖ ବିକୁଛି ବାଣ
ହୀନମନା ସେ ରକ୍ତର ବେପାରୀ
ନାଟ ଲଗାଇ ନାଟ ଦେଖେ ଜାଣ,
ଯୁଦ୍ଧକ୍ଷେତ୍ର ତାର ମୂଳପୁଞ୍ଜି ପରା
ନଖଘଷା ତାର ପୁରୁଣା ଅଭ୍ଯାସ
ପ୍ରଥମେ କହିବ ଯା' ଲଢିଯାରେ
ଅପେକ୍ଷା କରିବ ହେଉସେ ଶେଷ,
ଆସିଛି ସମ୍ମୁଖ ପ୍ରତିଦ୍ୱନ୍ଦ୍ୱୀ ତାର
ଛାନିଆରେ ତାକୁ ଗୋପନ ଜ୍ୱର
ଚକ୍ରାନ୍ତ କରୁଛି ନାଶିଦେବ ତାକୁ
ସେ ଯେ ମହାଶକ୍ତି ମାନେନି ହାର,
ତଥାପି ମଣିଷ ଚାହେଁ ଏତିକି
ବନ୍ଦ ହେଉ ଯୁଦ୍ଧ ଶାନ୍ତି ଆସୁ
ଅବନୀ ମା' କୁ ଚିରନି ଆଉ
ତା'ଓଠରେ ଟିକେ ହସ ଦିଶୁ।