ଯୁବପିଢି ତୁମେ ଜାତି କର୍ଣ୍ଣଧାର
ଯୁବପିଢି ତୁମେ ଜାତି କର୍ଣ୍ଣଧାର
ଯୁବ ପିଢ଼ି ତୁମେ ଜାତି କର୍ଣ୍ଣଧାର
ଜାତିର ପ୍ରଗତି କର୍ତ୍ତବ୍ୟ ତୁମ୍ଭର
ଆଳସ୍ୟକୁ ତେଜି ହୁଅ ଆଗଭର
କରିବାକୁ ନବ ନିର୍ମାଣ ଦେଶର
ଜ୍ଞାନ ଗାରିମାକୁ ଆହରଣ କରି
ସଭିଙ୍କର ମନେ ଦିଅ ଆଶାଭରି
ଦୁଃଖକ୍ଳେଶ ଯେତେ ସମାଜରୁ ହରି
ନବ ଉନ୍ମାଦନ ହୃଦେ ଯାଉ ଝରି
ସ୍ୱାର୍ଥ,ହିଂସା,ଈର୍ଷା କପଟକୁ ନାଶି
ଭରିଦିଅ ସର୍ବପ୍ରାଣେ ହସଖୁସି
ସ୍ନେହଶ୍ରଦ୍ଧା ପ୍ରୀତି ସେବା ଭାବ ରାଶି
ତଵ ଦାନେ ଗାଉଥାନ୍ତୁ ଦେଶବାସୀ
ସତ୍ୟ ନ୍ୟାୟ ପଥେ ହୋଇ ଅଗ୍ରସର
ମାନ ସନମାନ ବଢ଼ାଓ ଦେଶର
ରକ୍ଷା କରିବାକୁ କଳା ସଂସ୍କୃତିର
ପଢୁଥାଅ ସଦା ପୃଷ୍ଠା ଅତୀତର
ଗାଉଥାଅ ତୁଣ୍ଡେ ଜାତି ପ୍ରୀତି ଗୀତ
ଶତ୍ରୁକୁ ହଟାଓ ଦେଇ ନିଜ ରକ୍ତ
ସାରାବିଶ୍ୱେ ନିଶ୍ଚେ ହେବ ପରିଚିତ
ଆହ୍ବାନର ବାଣୀ ସ୍ମରୁଥାଅ ନିତ୍ୟ