ମାନବ ଓ କରୋନା
ମାନବ ଓ କରୋନା
ହଠାତ୍ ଆଶ୍ଚର୍ଯ୍ଯ, ଚକିତ , ସ୍ତବ୍ଧ ଏ ସମଗ୍ର ବିଶ୍ବ,
କାହିଁକି, କଣ ପାଇଁ ହୁଲସ୍ତୁଲ ହୋଇପଡିଛି ଏ ସଂସାର,
କରୋନା ମାତିଛି ,ଭୟଙ୍କର ତା ଗତିବିଧି ,
କିଏ, କିପରି, କେମିତି ମାତିଛି ? କିଏ ଏଇ କରୋନା?
ପ୍ରଶ୍ନ ର ଗନ୍ତାଘର , ଆତଙ୍କିତ ଜନତା, କଂପିତ ହୃଦୟ,
ବ୍ଯସ୍ତ, ତ୍ରସ୍ତ କରିଛି ପ୍ରତିଟି ହୃଦୟ ର କୋଣ, ଅନୁକୋଣ ।
ମାତିଛି, ମାଡି ଚାଲିଛି, ବୀର ଦର୍ପ ରେ ମାନବର ଅସ୍ଥି ମଜ୍ଜା ଉପରେ,
ଦଳି, ମକଚି ,ସମଗ୍ର ବିଶ୍ବର ଛାତି ଉପରେ ,
ଦର୍ପିତ ହସର ଧ୍ବନି କଲିଜା ଥରାଇ ଦେଉଛି,
କିନ୍ତୁ କାହିଁକି ଏ ଭୟ ?କାହିଁକି ଏ ଭୀତତ୍ରସ୍ତ ଜନତା ?
କରୋନା କି ଏତେ ଶକ୍ତିଶାଳୀ ?
ଉନ୍ନତ, ବିଚକ୍ଷଣ ମାନବ କୁ କରି ପାରିବ ଦିଗ ଭ୍ରଷ୍ଟ ?
ସମଗ୍ର ସଭ୍ଯ ମାନବ ଜାତି ପାଇଁ ,
କରୋନା କି ପାଲଟିବ ସତର୍କ ଘଣ୍ଟି ?
ପାରିବ କି ମୂଳୋତ୍ପାଟନ କରି ,
ସମଗ୍ର ଉନ୍ନତ, ବୁଦ୍ଧିଜୀବି ମାନବ ଜାତି କୁ ?
ଏତେ ଭୀତୁ, ବୁଦ୍ଧି ହୀନ,ପରାକ୍ରମ ହୀନ, ନୁହେଁ ଯେ ମାନବ ।
ନିଜ ଧ୍ବଂସ ଅଗ୍ନି ଜଳିବା ପୂର୍ବ ରୁ ,
ଜାଳି ଦେବ କରୋନା ର ଦର୍ପ, ଅହମିକା ,
ଲିଭିଯିବ କରୋନା ର ଅସ୍ତିତ୍ବ,
ଏତିକି ଆଶା, ବିଶ୍ବାସ ଅଛି ମନୁଷ୍ଯ ର ମନୁଷ୍ଯତ୍ବ ର ,
ହୋଇପାରେ ଦୁଃସାଧ୍ଯ, କଷ୍ଟ ସାଧ୍ଯ, କିନ୍ତୁ ନୁହେଁ ଯେ ଅସାଧ୍ୟ,
ଏକତା ର ଶସ୍ତ୍ରେ , ଦୃଢ ଆତ୍ମ ବିଶ୍ୱାସ ବଳେ ,
ହେବ ନିଶ୍ଚେ ଦିନେ ଏଇ ଦୁର୍ଦ୍ଦାନ୍ତ କରୋନା ପରାଜିତ ।