ଯୋଗୀ ଦେହି
ଯୋଗୀ ଦେହି
ଅନୁଦିନ ଅର୍ନ୍ତଚେତନାରେ ଅନୁପ୍ରବେଶର ସତତ ଚେଷ୍ଟା
ସ୍ଥିତିପ୍ରଜ୍ଞ ଲଲାଟ କେନ୍ଦ୍ରରେ ନୀଳ ଆଭାର ଛିଟା
ନିମଳିତ ନୟନ, ଉଦିପ୍ତ ଦୃଷ୍ଟି
କୁଣ୍ଡଳିନୀ ସର୍ପର ଅନନ୍ତ ଜନ୍ମର ନିଦ୍ରା
ଶୟନର ଆକର୍ଷଣ ଓ ଜଡତାକୁ ଭଂଗ କରି
ଅଭୀଷ୍ଟ ଆତ୍ମାର ଅଭିଷେକ
ନିଶ୍ଚଳ ଶରୀରରେ ସଚଳ ଈଶ୍ବରର ଇଶାରା
ଅନ୍ବେଷା ଅନ୍ତରର ପାଇବାକୁ ଏକମାତ୍ର
ମୋର " ଇଷ୍ଟ "ଙ୍କୁ
ପ୍ରତ୍ୟକ୍ଷ ପ୍ରତ୍ଯୟ ଜୀବନର, ଅନେକ ପ୍ରଶ୍ନ ଅବଲୋକନର
ସମାଜର ସ୍ବୀକୃତି ଏକ ସନ୍ଦିହାନ ସମୟର ।
କେତେ ସତ ପୁଣି କେତେ ମିଛ
ଚେତନାର ଅସୀମ ଉର୍ଦ୍ଧ୍ଵରେ
ଶ୍ବେତ ପଦ୍ମର ଅମୃତ ଧାରାରେ ପ୍ଳାବିତ
ମୋ "ଇଷ୍ଟ "
ଅଧାବୁଜା ଆଖିର ସୀମା ସେପାରେ
ଅଦୃଷ୍ଟରେ ପ୍ରତୀୟମାନ
ଅଦୃଷ୍ଟରେ
ଅନୁଦିନ ଅର୍ନ୍ତଚେତନାରେ ଅନୁକ୍ଷଣ ଅନ୍ବେଷଣ
ଅହରହ ଚେଷ୍ଟା .......ଅନୁପ୍ରବେଶର
ଅଦୃଷ୍ଟକୁ
ମୁଁ ଯୋଗୀ ।।