ଯନ୍ତ୍ରମାନବ
ଯନ୍ତ୍ରମାନବ
1 min
228
ବିଚିତ୍ର ପ୍ରକାର ଯନ୍ତ୍ର ମାନବକୁ
ଆଦିମ ମଣିଷ ଦେଖି
ବିପଦ ଭୟରେ ନିଆଁ ହୁଳା ଧରି
ଆଗେଇଲା ଧୈର୍ଯ୍ୟ ରଖି ।
ବୁଝିପାରି ସେହି ଯନ୍ତ୍ର ମାନବଟି
କହୁଅଛି ଭାଇମାନେ
ତୁମ ଉପକାର କରିବି ବୋଲି ତ
ଭାବିଅଛି ମୁଁହିଁ ମନେ ।
ନେଇଯିବି ଚାଲ ନୂଆ ରାଇଜକୁ
ନଥିବ ତ ଭଲମନ୍ଦ
ନଥିବ ପେଟରେ ଭୋକର ଜ୍ବଳନ
ନଥିବ ତ ହସକାନ୍ଦ ।
ଏହା ଶୁଣି କହେ ଆଦିମ ମଣିଷ
ଲୋଡ଼ା ନାହିଁ ତୁମ ରାଜ୍ୟ
ପ୍ରକୃତି ଆମକୁ ଗଢ଼ିଛି ଶ୍ରଦ୍ଧାରେ
କରିବୁନି ତାକୁ ତେଜ୍ୟ ।
ପ୍ରକୃତି ବକ୍ଷରେ ବଞ୍ଚିଛୁ ବଞ୍ଚିବୁ
ତା'ର ଉପାଦାନ ବଳେ
ଆବେଗରେ ଭରା ରକ୍ତ ମାଂସ ଦେହ
ମିଶିଯିବ ତା'ର କୋଳେ ।