ସାଧନା ପଥେ

ସାଧନା ପଥେ ଅଳ୍ପ ବହୁତେ

ସଂଘର୍ଷ ଥାଏ ସତ

କଷଟି ପଥରରେ ସିଝି ମାଜି 

ଜୀବନେ ସତ୍ୟ ନିଶ୍ଚିନ୍ତ

ଲକ୍ଷ ପଥେ ନୋହି ବିଚ୍ୟୁତ

କର୍ମର ପାଦ ଆଗକୁ ବଢୁ ସେତ

ମନ ଆନନ୍ଦେ ନିତ୍ୟ

ଫୋପାଡି ଥିଲେ ଟେକା ପଥର

ହୁଏ ଶାଳଗ୍ରାମ ସେତ

ଚେଷ୍ଟା ନିଷ୍ଠା ପ୍ରଚେଷ୍ଟା ଥିଲେ

ଆନନ୍ଦ ନିରାନନ୍ଦ ମନ୍ଦାର ଶ୍ୱେତ

ପରିପୂର୍ଣ୍ଣ ଜୀବନ ସମ୍ଭାର ଅନେଶତ

ଦେଖି ନେତ୍ର ପବିତ୍ର

ସାଧନା ଦିଏ ସିଦ୍ଧି ବହୁତ ଜ୍ଞାନ

ଗୁଣ ଅପର୍ଯ୍ୟାପ୍ତ

ଶାନ୍ତି ସଂହତି ଭାବ ପୀରତି

କଷଟି ପଥେ ଆଲୋକପାତ

ସାଧନା ପଥେ ଟିକି ଫୁଲଟି

ଠାକୁର ମୁଣ୍ଡେ ଆପ୍ଲୁତ

ସାଧନା ପଥେ ଟିକି ପିମ୍ପୁଡି

ସଞ୍ଚୟ କରେ ବହୁତ

ସାଧନା ପଥେ ସିଦ୍ଧି ଲଭି

କେତେ କେ ବରପୁତ୍ର

ନଶ୍ୱର ଦେହ ଇଶ୍ଵର ନେଲେ

କର୍ମ ହେଲା ଆଦୃତ

 କର୍ମ ଓ ଧର୍ମ ପଥେ ଆଗେଇ

ସାଧନା ସିଦ୍ଧି ପ୍ରାପ୍ତ ।।