ସ୍ୱାମୀ ବିବେକାନନ୍ଦ

ଶୁଣଲୋ ସଜନୀ କହୁଛି କଥା 

      ଶୁଣିଲେ ଲାଗିବ ଅନେକ ବ୍ୟଥା ।

ଆସିଥିଲେ ସିଏ କ୍ଷଣିକ ପାଇଁ

     ଚାଲିଗଲେ ଜ୍ଞାନ ସଂସାରେ ଦେଇ ।

ଆଧ୍ୟାତ୍ମିକ ଗୁରୁ ସଂସାରେ ହେଲେ

       ଯୁବ ପିଢ଼ି ସବୁ ପଛେ ଧାଇଁଲେ ।

ଯୁବ ବୟସରେ ରଚିଲେ ନାମ

     ଦେଶ ବିଦେଶରେ କେତେ ସୁନାମ ।

ଯୁବ ପିଢ଼ି ନେଇ କଲେ ପ୍ରୟାସ

      ରଚିଥିଲେ ସତେ ସେ ଇତିହାସ ।

କହିଲେ ସଂସାରେ ଧର୍ମ ଅନେକ

        ଧର୍ମ ମାନଙ୍କର ଲକ୍ଷ୍ୟଟା ଏକ ।

ଅନୁଭୂତି ଆମ ଶ୍ରେଷ୍ଠ ଶିକ୍ଷକ

     ରଚିଦେବା ଆମେ କେତେ ପୁସ୍ତକ।

ଚିନ୍ତା ଚେତନାର ମହାନାୟକ 

        ବିଶ୍ୱର ପ୍ରସିଦ୍ଧ ସେ ଦାର୍ଶନିକ ।

ସନାତନ ଧର୍ମ ମହା ପ୍ରବକ୍ତା

    ସ୍ତବ୍ଧ ହେଉଥିଲେ ସଂସାରେ ଶ୍ରୋତା ।

ସେ ମୁଖ ନିଃସୃତ ଅମୃତ ବାଣୀ

      ମନକୁ ନେଉଛି ଆଜି ସେ କିଣି ।

ଥିଲା ଗୁରୁଙ୍କର ଭବିଷ୍ୟ ବାଣୀ

      ଚାଳିଶି ବର୍ଷରେ ହେବ ଭାଳେଣି ।

ଚାଲିଗଲେ ସ୍ୱାମୀ ଦେଶକୁ ଛାଡ଼ି

      ଆଜି ଜନ୍ମ ଦିନେ ଦେଶରେ ରଡି ।

ତାଙ୍କ ଜନ୍ମ ଦିନ ଦିଏ ହରଷ 

        ଭାରତ ବର୍ଷରେ ଯୁବ ଦିବସ ।

ଧନ୍ୟ ଧନ୍ୟ ସ୍ୱାମୀ ବିବେକାନନ୍ଦ

         ଅବିସ୍ମରଣୀୟ ଚିର ଆନନ୍ଦ ।।