,🚨ଯନ୍ତ୍ର ଯୁଗ⛽

ଯନ୍ତ୍ର ଯୁଗ ଏତ ଯନ୍ତ୍ରରେ ଚାଲିଛି,

ବର୍ତ୍ତମାନର ସମାଜ

ଯନ୍ତ୍ର ବିନା ସବୁ ଅଚଳ ଟି ଜାଣ,

ସବୁ ଘରେ ଯନ୍ତ୍ର ଆଜ

ଯନ୍ତ୍ର ଦ୍ୱାରା ଏଠି ବଟା-କଟା ହୁଏ,

 ହେଉ ସଫାସଫି ଅବା

ବିନା ଯନ୍ତ୍ରେ କିଛି କାମ ନ ହୁଅଇ,

 କରନ୍ତି ଯନ୍ତ୍ରରେ ସେବା

ବିଲ ହଳେ ଆଉ ଚଷାଭାଇ ମଧ୍ୟ ,

ପାରୁନାହିଁ କିଛି କାମକରି

ରୋପଣ,ଛେଦନ,ବହନ ,ବଣ୍ଟନ,

ଯନ୍ତ୍ରେ ଶିଘ୍ର ଯାଏ ସରି

ଯନ୍ତ୍ର ଦ୍ୱାରା ଏଠି ଜିନିଷ ଓଜନ ,

ଲୋକ ପୁଣି ନୁହେଁ ଲୋଡା

ଏ .ଟି .ଏମ୍ ଯନ୍ତ୍ର ଟଙ୍କା ଦିଏ ଆପେ,

କର୍ମଚାରୀ କିଆଁ ଛିଡା

ଯନ୍ତ୍ର- ଖଚିତ ତ ସବୁ ତକ ଯାନ,

ଏଠୁ ନିଏ ସେଠି ଭିଡି,

ଲୋଡା ନାହିଁ ଏଠି ଦୂର ବାଟ ପାଇଁ,

ଲଣ୍ଠନ ଆଉ ଶଗଡି

ଯନ୍ତ୍ର ଦ୍ୱାରା ସବୁକାମ ହୋଇଯାଏ ,

ଲୋକ ତ ହେଲେ ଅଲୋଡା

ବେକାରୀ ସମସ୍ୟା ଦିନୁ ଦିନ ବଢେ,

କରନ୍ତି ନାନା ଆଖେଡା

କା'କୁ ଅପ୍ହରଣ,କା'ରେ ଛୁରୀ ମାରି,

ଲୁଟନ୍ତି ଧନସମ୍ପଦ

ପେଟ ପୋଷିବାକୁ କୁମାର୍ଗେ ସାଧନ୍ତି,

ପିଅନ୍ତି ବିଦେଶୀ ମଦ

ଭ୍ରାମ୍ୟମାଣ କାନ ଫୁସୁଫୁସୁ ଯନ୍ତ୍ର ,

କରିଛି ସଭିଙ୍କୁ ବାଇ

ନେଟ୍ ଦ୍ୱାରା ସବୁ ଭଲ-ମନ୍ଦ ଦେଖି,

ବାତୁଳା ହୁଅନ୍ତି ଭାଇ

ପରିବାର ଖୁସି ଏକତାରେ ଥାଏ ,

ଏକତାଟି ହୁଏ ନଷ୍ଟ

ମୋବାଇଲ୍ ଧରି,ପିଲାଠୁ ବୁଢାଏ ,

ନିଜ ଦୁନିଆରେ ବ୍ୟସ୍ତ

ଲୁଡୁ,ଛକିସୁନ ମିଶି ଖେଳୁଥିଲେ ,

ବଢୁଥିଲା ସ୍ନେହ ପ୍ରେମ

ମୋବାଇଲ ଧରି ଏକା ବିହରନ୍ତି ,

ନ ଧରନ୍ତି କା'ର ନାମ

ଯନ୍ତ୍ର ଦ୍ୱାରା କଳକାରଖାନା ଚାଲେ,

ଯୁବକ ହେଲେ ବେକାର

ଜଳ,ବାୟୁ ସବୁ ପ୍ରଦୂଷଣ ଘଟେ,

କରି ଯନ୍ତ୍ର କାରବାର

ବିଦ୍ୟୁତ୍ ଯନ୍ତ୍ର ଦ୍ୱାରା ଲିଙ୍ଗନିରୂପଣ ,

 କନ୍ୟା ଭୃଣହତ୍ୟା କଲେ

ଯନ୍ତ୍ର କଲା ମନ୍ତ୍ର,ଯନ୍ତ୍ରରେ ଚାଳିତ

ବାକି ସବୁପାସୋରିଲେ