ଯୌତୁକ ସମସ୍ୟା
ଯୌତୁକ ସମସ୍ୟା
ସ୍ରଷ୍ଟାଙ୍କର ଶ୍ରେଷ୍ଠ ସୃଷ୍ଟି ବିବାହ ବନ୍ଧନ,
ବିଧାତା ଗଢିଛି ଏହା ବିଧିର ବିଧାନ ।
ବିବାହ ବନ୍ଧନ ଏକ ପବିତ୍ର ସମ୍ଭାର,
ନରରୂପୀ ରାକ୍ଷସର ଅଟେ ସୌଦାଗର ।
ପିତା ମାତା ପାଇଁ କନ୍ୟା କଳଙ୍କ ସାଜିଛି,
ଯୌତୁକ ସମସ୍ୟା ଯେବେ ମୁଣ୍ଡଟେକି ଅଛି ।
ଏ ଯୁଗ ମଣିଷ ଏବେ ରାକ୍ଷସ ସାଜିଛି,
ଯୌତୁକ ଓ ନିର୍ଯାତନା ସେ ସୃଷ୍ଟି କରିଛି । ଆଦିବାସୀ ସମାଜରେ ଝୋଲା ବିଧି ଅଛି,
କନ୍ୟା ପିତାଙ୍କୁ ସମୁଦୀ ଅର୍ଥ ଦାନ କିଛି ।
ମନୁ ସ୍ମୃତିରେ ବିବାହ ଆଠ ପ୍ରକାରର ,
କନ୍ୟା ପିତା ବରପକ୍ଷ ଶୂନ୍ୟ ଯେ ବେଭାର ।
ରାମ ଓ କୃଷ୍ଣ ଗ୍ରନ୍ଥେ ଅଛି ଯୌତୁକ ପ୍ରଥା,
ଏଯୁଗେ ସାଜିଛି ଏହା ସାମାଜିକ ବ୍ୟଥା । ସୁଭାରତର ଐତିହ୍ୟ ବିକୃତ ହୋଇଛି,
ଯୌତୁକ ସମସ୍ୟା ଯେବେ ଘରେ ପସିଅଛି । ସୌଖିନ ବିଳାସ ଯେବେ ନହେଲେ ପୂରଣ, ଶାଶୁଘରେ ନବବଧୂ ମୃତ୍ୟୁଦଣ୍ଡ ଜାଣ ।
ନିର୍ଯାତନା ଅପରାଧ ବଢ଼ି ତ ଚାଲିଛି ,
ଆଇନର କଟକଣା ବିଫଳ ହୋଇଛି ।
ନାରୀ ଶିକ୍ଷା ଓ ନିଯୁକ୍ତି ହେଲେ ଅଗ୍ରଗତି, ନିର୍ଯାତନାରୁ ସୁଫଳ ପାଇବ ସ୍ତ୍ରୀ ଜାତି ।
ସୁନ୍ଦର ସମାଜଟିଏ ସ୍ରଷ୍ଟା ଯେ ଗଢିଲେ,
ସାମାଜିକ କୁସଂସ୍କାର ସଂସାରେ ଖଞ୍ଜିଲେ ।
ଆସ ଆସ ଧାଇଁ ଆସ ସଂସ୍କାରୀ ପୁରୁଷ ,
ନାରୀ ନିର୍ଯ୍ୟାତନା ଯୌତୁକ କରିବା ନାଶ ।