Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Ashis Kumar Swain

Others

4  

Ashis Kumar Swain

Others

ଆଉ ପରା ଶୁଣା ଯାଉ ନାହିଁ

ଆଉ ପରା ଶୁଣା ଯାଉ ନାହିଁ

1 min
23.7K


ଅଗଣାରେ ବସି କାକ

ରାବ ସୂଚିତ କରଇ ଅତିଥି ଆଗତ

ଗଛ ଡାଳେ ଝୁଲୁ ନାହିଁ

ବାଇ ଚଢେଇ ସୁନ୍ଦର ବସା ତା ଗୀତ

ଆଉ ପରା ଶୁଣା ଯାଉ ନାହିଁ । 

ଚାଳ ଘରେ ଚାଳ ତଳେ

ଘର ଚଟିଆର କିଚିରି ମିଚିରି ଶବଦ

ଘର ବାରଣ୍ଡା କାନ୍ଥରେ

ସୁନ୍ଦରୀ ପାରାର ଗୁମୁରୀ ଗୁମୁରୀ କାନ୍ଦ

ଆଉ ପରା ଶୁଣା ଯାଉ ନାହିଁ ।  

ମକର ବଉଳ ଡାକ

ସଙ୍ଗାତ ତୁଳସୀ ଅଳେଇଚ ଓ ଲବଙ୍ଗ

ଭକ୍ତି ସ୍ନେହ ମମତାରେ

ଭରା ଚଳନ୍ତି ଠାକୁର ବାପା ବୋଉ ଡାକ

ଆଉ ପରା ଶୁଣା ଯାଉ ନାହିଁ । 

ଘୁଡୁକି କେନ୍ଦରା ବାଦ୍ୟ

ସଚେତନତା ବାର୍ତ୍ତା ପ୍ରସାର ଓ ପ୍ରଚାର

ଉଦବୋଧନ ମୂଳକ

ଗାଥା ଗୀତ ଭାଇ ଚକୁଳିଆ ପଣ୍ଡା ସ୍ୱର

ଆଉ ପରା ଶୁଣା ଯାଉ ନାହିଁ ।

ବରଗଛ ବସା ଦେହେ

କୁର୍ବଳର ରାବ ପାହାନ୍ତି କୁକୁଡ଼ା ସ୍ୱର

କୋଇଲି ମଧୁର ସ୍ଵନ

କୁହୁ କୁହୁ ତାନ ତ ବସନ୍ତ ସମୟର

ଆଉ ପରା ଶୁଣା ଯାଉ ନାହିଁ । 

ହଳ ନେଇ ଗଲା ବେଳେ

ଶଗଡ଼ ଶବଦ କି ଭାଇ ହଳୁଆ ଗୀତ

ଗାଈ ଗୋଠ ବଂଶୀ ସ୍ଵନ

ଗାଇଆଳ ଟୋକା ଗୀତ ମୁଢି ଗଣ୍ଠିଲିତ

ଆଉ ପରା ଶୁଣା ଯାଉ ନାହିଁ । 

ଶିଳ ଘୋରଣା ଓ ଢିଙ୍କି

ଚାଉଳ ଚୁଡା ବିରି ମୁଗ ଲଙ୍କା କୋଳଥ

ଯୁବ ଯୁବା ବିବାହରେ

ସଜ୍ଜିତ ପଲଙ୍କ ସବାରି କାନ୍ଦଣା ଗୀତ

ଆଉ ପରା ଶୁଣା ଯାଉ ନାହିଁ । 

କୁମ୍ଭ ଓଷା ରଜ ଦୋଳି

ଖୁଦୁରୁକୁଣୀ ଓ କୁମାର ପୂର୍ଣ୍ଣିମା ଗୀତ

କାନ୍ଧମିଶା ଭାତୃଭାଵ

ଜନ୍ତାଳ ଭୋଜି ଭାଇ ତଲାସ ଏକତ୍ରିତ

ଆଉ ପରା ଶୁଣା ଯାଉ ନାହିଁ । 

ହରିବୋଲ ହୁଳହୁଳି

ଗୀତା ଭାଗବତ ପୁରାଣ ପୋଥି ହେ ଜ୍ଞାନୀ

ଯାତ୍ରା ମେଳା ମଉଜରେ

ନାମ ସଂକୀର୍ତ୍ତନ ଘଣ୍ଟି ଘଣ୍ଟ ଶଙ୍ଖ ଧ୍ୱନୀ

ଆଉ ପରା ଶୁଣା ଯାଉ ନାହିଁ ।


Rate this content
Log in