ଯୌତୁକ ବ୍ୟାଧି

ଜୀବନ ଆଉ ସପନର

ଅନ୍ୟ ଏକ ନୂଆ ଆଭାସ

ଯୌତୁକ...!

ହଁ ହଁ ଯୌତୁକ,

ଭାଙ୍ଗିଛି କେତେ ଆଶା

କୁଆଁରୀ ଆଖିର

ଭାଙ୍ଗିଛି ପୁଣି ଫୁଟିବାକୁ ସଜ ହେଉଥିବା 

ସୁନ୍ଦର ସଂସାର !

ଗାଆଁରୁ ସହର 

ରାଜରାସ୍ତାରୁ ରାଜଧାନୀ

ସବୁଠି ମାତାଲ ମଣିଷ

ଯୌତୁକ ନିଶାରେ !

ନା ବୁଝି ପାରୁଛି 

ଗରିବ ଆଖିର ଲୁହ

ନା ବୁଝିବାକୁ ଚେଷ୍ଟା କରିଛି

ଭୋକିଲା ବାପର କୋହ !

ଧ୍ବଂସ କରିଚାଲିଛି କେତେ 

ଆଶା, ହୃଦୟର ଭାଷା

କେତେ ଅଭିଳାଷ

କେତେକେତେ ହସ !

ଅଦିନିଆ ମେଘ ହୋଇ କେବେ

ବର୍ଷିଛି ଲାଲ ରଙ୍ଗର

ସେ ହୋଇପାରେ କାହା ଛାତିର ରକ୍ତ

ହୋଇପାରେ କାହା ଆଖିର ଅଶ୍ରୁ !

ବିବେକ ଶୂନ୍ୟ ମଣିଷ

ମାନବିକତାକୁ ମାରି ଅତ୍ୟାଚାର

କରି ଚାଲିଛି 

ଯୌତୁକ ଅସ୍ତ୍ରରେ ନିରୀହ ହୃଦୟ !

ଉଜାଡ଼ି ଦେଇଛି

କେତେ ହସିବା ସଂସାର

ବାସ୍ତବରେ ଏ ବ୍ୟାଧି ଖୁବ ଭୟଙ୍କର !!