ଲାଇବ୍ରେରୀ
ପ୍ରୋଫାଇଲ୍
ଯାତ୍ରା
ଯାତ୍ରା
1 min
329
ଯାତ୍ରା ଏହି ଦୁନିଆରେ
ସମୟ ପଶା ପାଲିରେ
ଅଭିନୟ କରୁଥାଏ
ଆୟୁଷ ଯା ସରୁ ଥାଏ।
ବେଳକାଳ ସରିଗଲେ
ମୁହଁ ରୁ ରଙ୍ଗ ଛାଡିଲେ
ଲୋଭ ମୋହ ମାୟା ତୁଟେ
ସହଯାତ୍ରୀ ବାଟ କାଟେ।
ଅଳୀକ ଅସାର ଯାତ୍ରା
ନିଜେ ସାଜେ ନିଜ କର୍ତା
ଅଭିନୟ କରୁଥାଏ
ଚରିତ୍ର ରେ ମଜ୍ଜିରହେ।
ଏଵେର ସମୟ ଆଉ
ଆର ଘଡିକି ନଥାଉ
ଅବୁଝା ମଧ୍ୟାନ୍ତର ରେ
କେହି ନଥିବେ ପାଖରେ।
ରାତି ପରେ ସକାଳ ର
ନୂଆ ତେଜ କିରଣ ର
ଯାତ୍ରା ପରେ ଅଭିନେତା
ଦେଖେ ସତ ବାସ୍ତବତା।
ରଙ୍ଗମଞ୍ଚ ଏ ଦୁନିଆଁ
ଅଭିନୟ ଦି ଦିନିଆଁ
ସରିଲେ ଫେରନ୍ତି ଘରେ
ଶେଷ ଯାତ୍ରା ମଶାଣୀ ରେ।
