" ଯାତ୍ରା ଏଇ ହୃଦୟର"
" ଯାତ୍ରା ଏଇ ହୃଦୟର"
କେତେ ଆଶା କେତେ ଭରସା ର
ସମ୍ଭାରକୁ ନେଇ ଯାତ୍ରା ଏଇ ହୃଦୟର
କେତେ ଉତ୍ଥାନ ପତନର ସମାହାର
କେତେ ଯେ ଯନ୍ତ୍ରଣା ଜର୍ଜରିତ
ଆମ ଏ ମଣିଷ ମନ ଓ ଶରୀର
ଅସୁମାରୀ ଘାତ ପ୍ରତିଘାତ ର
ସମଷ୍ଟିକୁ ନେଇ ଯାତ୍ରା ଏଇ ହୃଦୟର ।
କେତେ କେତେ ଲାଞ୍ଛନା, ଭର୍ତ୍ସନା କୁ
ଧରିଛି ଆଜି ବି ଏ ହୃଦୟ ମୋହର
କେତେ କେତେ ସୁନ୍ଦରୀଙ୍କ
ପ୍ରତାରଣାର ଗନ୍ତାଘର
ଅଜସ୍ର ସାମୁଦ୍ରିକ ଝଡ ବାତ୍ୟା ର
ଅଟେ ଏହା ଆଶ୍ରୟସ୍ଥଳ
ଏ ସବୁର ସମାହାରେ ଗତି କରେ
ଯାତ୍ରା ଏଇ ମୋ ହୃଦୟର ।
ମିଳନ ସ୍ଥଳ ଅଟେ
ଏହା ବିଷ ଅମୃତର
ତ୍ରିବେଣୀ ସଙ୍ଗମ ପୁଣି
ଅଟେ ଏହା ହର୍ଷ, ବିଷାଦ, ବିଭ୍ରାନ୍ତି ର
ଫରକ ଦେଖାଇ ଦିଏ ଏହା ପର ଆପଣାର
ଏହା ହିଁ ଅଟେ ସୁର ଅସୁର ଙ୍କ ବାସସ୍ଥଳ
ଘଟ ର ଅନ୍ୟ ରୂପେ ହୋଇଥାଏ ରୂପାନ୍ତର
ଏଇଠି ଆରମ୍ଭ ପୁଣି ଏଇଠି ଯେ ଶେଷ
ଏଇ ଯେ ପିଣ୍ଡ ଏଇ ବ୍ରହ୍ମାଣ୍ଡ ବିଶ୍ଵ
ଏହାର ଗତି ପଥ ଅଟେ ଯେ ବନ୍ଧୁର
ଏହି ହୃଦୟକୁ ବୁଝିବା ଅଟେ
ଅତ୍ୟନ୍ତ ଦୁରୁହ ବ୍ୟାପାର
କେ ନ ବୁଝନ୍ତି ଆଦି ଅନ୍ତ ଏହାର
ଏସବୁ କୁ ନେଇ
ଯାତ୍ରା ଏଇ ହୃଦୟର ।
ଘୃଣା, ହିଂସା, ଦ୍ୱେଷ, ଈର୍ଷା,
ସ୍ନେହ, ପ୍ରେମର ଏହା
ସମ୍ମେଳନ ସ୍ଥଳ
ହୃଦୟ ହୀନ ଜୀବନେ
କେ ନ ପାଏ ଥଳକୂଳ
ହୃଦୟବାନ୍ ଯେ ସେ ଚିର ଶାଶ୍ଵତ
ସେ ସତ୍ୟ ଚିରନ୍ତନ
ସ୍ନେହ ପ୍ରେମ ଅଟେ ତା ଜୀବନର ବ୍ରତ
ଶତ୍ରୁ ମିତ୍ରର ସୃଷ୍ଟି ଯେ ହୃଦୟ ର ସ୍ଥଳ
ନାନା ଆଶା ନିରାଶା,ଆକାଙ୍କ୍ଷା ଓ କ୍ଷୋଭର
ମହା ମିଳନ ସ୍ଥଳ ଅଟେ ଏହି ଏହି
ହୃଦୟ ଆମର
ଏସବୁର ସମାହାରକୁ ନେଇ
ଗତି, ମୁକ୍ତି, ଶାନ୍ତି, ମୈତ୍ରୀ ର
ଯାତ୍ରା ଏଇ ହୃଦୟର ।