ଯାଇନି ତ ପ୍ରେମ ହୋଇ

ସାଗର କୂଳରେ ଫଟୋ ମୁଁ ଉଠାଇ 

    ଦେଖିଲି ଘରକୁ ଆସି ।

ମୋର ପାଖେ ତୁମେ ଠିଆ ହୋଇ ସଖି 

  ଲାଗୁଥିଲ ଭାରି ଖୁସି ।।

ଉଠାଇ ଥିଲି ମୁଁ ଏକା ଏକା ଫଟୋ

  କେମିତି ଏହା ଯେ ହେଲା ।

ମୋର ପାଶେ ଆସି ତୁମେ ଥିଲ ବୋଲି 

  ଜାଣି ମୁଁ ନଥିଲି ଭଲା ।।

ଦେଖିଲି ଫଟୋ କୁ ଲାଖିଗଲା ଆଖି 

  ମନ ବି ଆନନ୍ଦ ହେଲା ।

ସେଇ ସମୟ ରେ ବନ୍ଧୁ ମୋର ଆସି 

  ତୁମର ସନ୍ଦେଶ ଦେଲା ।।

କହୁଥିଲା ସିଏ ଅନ୍ୟ ସହରକୁ 

  ଯାଇଅଛ ତୁମେ ବୋଲି ।

ଦେଖିଲି ଫଟୋ ଟି ବାରମ୍ବାର ମୁହିଁ 

  ଏହି କଥା ଟିକୁ ଶୁଣି ।।

ଫଟୋ ଟିରେ ଆଉ ତୁମେ ଗୋ ନଥିଲ 

    ଏକା ବସିଥିଲି ମୁହିଁ ।

ପ୍ରଥମ ଥର ମୁଁ ସେଇ ଫଟୋଟିରେ 

  ତୁମକୁ ଦେଖିଲି କାହିଁ ।।

ସତରେ ଏମିତି କେମିତି ହୋଇଲା

  ପାରୁନାହିଁ ଜାଣି ମୁହିଁ

ଏବେ ମୁଁ ଭାବୁଛି ତୁମ ସହ ମୋତେ 

  ଯାଇନି ତ ପ୍ରେମ ହୋଇ ।।