ଯାହା ଲେଖିଅଛି ଦଇବ

ଜୀବନ ର ଏଇ ରଙ୍ଗ ମଞ୍ଚରେ

      ପ୍ରତିଦିନ ଅଙ୍କ କସୁଛେ

କେବେ ମିଶାଣ କେବେ ଫେଡାଣ କରି

      ଗୁଣନ ହରଣ କରୁଛେ ।

ମରୀଚିକା ପଛେ ଦଉଡି ଦଉଡି

      ପଥଭ୍ରଷ୍ଟ ଆମେ ହେଉଛେ

ଶାନ୍ତି ଟିକିଏ ପାଇବା ପାଇଁକି

       ଅଶାନ୍ତିରେ ଦିନ କାଟୁଛେ ।

ଲୋଭ ମୋହ ମାୟା ପଛରେ ଗୋଡେଇ

          ଖାଲି ଛଟପଟ ହେଉଛେ

ମୋର ମୋର କହି ଜୀବନଟା ସାରା

          ନିରାଶ ରେ ବଞ୍ଚି ରହୁଛେ ।

ସକାଳ ପରେ ସଞ୍ଜ ଆସିବ

      ସଞ୍ଜ ପରେ ରାତି ଆସିବ

ଜୀବନ ଚକ୍ରଟି ସମୟରେ ବନ୍ଧା

      ସମୟ ହିସାବ କରିବ ।

ଜୀବନଟା ଅଟେ ଅମୂଲ୍ୟ ସମ୍ପଦ

       ଏକଥା କୁ ଟିକେ ହେଜିବ

ଜନମ ହେଲେ ମରଣ ମିଳିବ

       ଏକଥା ଅନ୍ୟଥା ନୋହିବ ।

ଯେତିକି ବି ଅଛି ଯାହା ବି ଅଛି

     ସେତକିରେ ଖୁସିହୋଇବ

ଜୀବନଟା ନିଶ୍ଚେ ସେ ସବୁ ଭୋଗିବ

       ଯାହା ଲେଖିଅଛି ଦଇବ ମ