ଯାଦୁ
ଯାଦୁ
ସେ ହାତରେ ଯେଉଁ ସ୍ପର୍ଶ
ସେ ମୃଣ୍ମୟୀରେ ଏତେ ଉଷ୍ମ
ମାଆ ଆସିଲେ ଆସୁରିକ ହେବ ଭସ୍ମ
ଚତୁର୍ଭୁଜା ମାଆ ଆଶୀର୍ବାଦ ଦେବେ
ଷଡ଼ଭୂଜା ମାଆ ଅର୍ଦ୍ଦଳି ବୁଝିବେ
ଦଶଭୁଜା ମାଆ ଷଡ଼ରିପୁ ନାଶିବେ
କାରିଗର ସ୍ପର୍ଶ ରେ ତା ଯାଦୁ
ପଡୁଛି ଝରି ସ୍ବେଦ ବିନ୍ଦୁ ବିନ୍ଦୁ
ପ୍ରତିଟି ନିଶ୍ୱାସେ ଜାଗେ ଆଶାର ପୁଲକ
ମାଆ ଆସିବେ ତୋରଣ ମେଢ଼ର ଝଲକ
କାଶତଣ୍ଡୀ କେବେଠୁ ପସରା ମେଲିଛି
ବିପଣି ସମାହାର ହାତ ଠାରି ଡାକୁଛି
କେତେ ଉନ୍ମାଦନା ଏ ମନେ ଜାଗିଛି
ଅନ୍ତରୁ ଅନ୍ତରେ ଭକ୍ତି ନିର୍ଝରିଣୀ ବହୁଛି
ସର୍ବ ଦେବତାଏ ଅସ୍ତ୍ର ଶାସ୍ତ୍ର ଧରି ସଜ
ମାଆ ଦଶାହାତେ କରିଦେବେ ସାଜସଜ୍ଜ
ବୁଝେନା କାରିଗର ସହଜ କି ଅସହଜ
ମାଆଙ୍କୁ ଗଢ଼ିବ ଏହା ହିଁ ବରଜେ ଗରଜ
ପୃଥିବୀ ମାଆ ଅପେକ୍ଷା କନ୍ୟାକୁ
ଶିଶିର ଟୋପାରେ ସଜାଇ ଘାସ ଗାଲିଚାକୁ
ପବନ ସ୍ଥିର ନଈରେ ଝର
ସମୁଦ୍ରରେ ଅସୁମାରୀ ଢେଉ
ଆକାଶରୁ ବର୍ଷା ଝରେ ସତେ ମହୁ
ବର୍ଷା ନୁହେଁ ସତେ ପୂର୍ଣ୍ଣକଳସୀ ଜଳ ଆହା
ମାଆ ଆଗମନେ ଆକାଶ ଢାଳୁଛି ଅମୃତ
ବାରିଧାରା କି ସତେ ଆହା l