ଲାଇବ୍ରେରୀ
ପ୍ରୋଫାଇଲ୍
ଉତୁରା ପେଜ
ଉତୁରା ପେଜ
1 min
207
ହୁଁ ସ୍ମୃତି ଗୁଡା ଏମିତି ପା
ଟିକେ ଉଖାରି ହୋଇଗଲେ
ହାବୁକା ହାବୁକା
ନଳ କୂଅ ବସିବା ବେଳର
ପାଇପ ପାଣି ପରି
ବାହାରି ଆସିବ
ବତୁରେଇ ଦେବ ମନ
ଜୀବନ
ଟିକେ ଦରଜ ଦେବ
ମିଠା କିନ୍ତୁ ପାଟିରେ ଗୁଞ୍ଜିଦେଵ ପୁଳେ
ଅପାସୋରା ଅନୁଭବ।
ଖରାର ଧାସ
ପିଠି କରି ପୁଆଉ ଥିବା ବେଳେ
ଯଦି ହାବୁଡ଼େ ପଡିଗଲା
ଭୋଗିଥିବା ଭାଗର ଜୀବନ
ଆଉ କଣ ଥୟ ହେବ
ଏ ଅମାନିଆଁ ହୃଦ !
ହୋଇଯିବ ଗଦ ଗଦ
ଛାତି ଚିରି
ବାହାରି ଆସିବ
ଗଲା ଦିନର
ସାଇତା କଥା
ଢ଼ାଙ୍କୁଣୀ ଠେଲି ଉତୁରି ପଡିବ ପେଜ।
ତେଣିକି
ଲେଖି ହେବନି
କେବଳ ଅନୁଭବ
ଭାସୁଥିବେ ଆଖି ଲାପ୍ ଟପ୍ ରେ
ଚାଟୁ ଥିବ ଲଟର ପଟର
ସ୍ୱାଦ ଯୁକ୍ତ ଭାଵ
କେତେ ପଛକୁ ଫେରି ଯାଉଥିବ ମନ
ଶରୀର କିନ୍ତୁ
ଠିଆ ହୋଇଥିବ ବର୍ତ୍ତମାନରେ
ଷ୍ଟାଚ୍ୟୁ ପରି
ଫେରି ପାରୁ ନଥିବ ସ୍ଥୂଳ ଶରୀର
ଫେରୁଥିବ କିନ୍ତୁ
ସୂକ୍ଷ୍ମ ମନ ଆତ୍ମା
ଶୁନ୍ ଶାନ୍ ପୃଥିବୀକୁ ଛୁଇଁ ।
