ଉଠିପଡ ଧନମଣୀ

ରାତି ପାହିଲାଣି ସକାଳ ହେଲାଣି

ଉଠିପଡ ଧନମଣୀ

ଆଖିପତା ଖୋଲି ହସିବ ଏକ୍ଷଣି

ସୁନା ମାଆ ଡାକ ଶୁଣି ।

ଶୁଖିଲା ଦିଶୁଛି ସୁନାର ମୁହଁଟା

ପେଟ ବି ଗଲାଣି ପଶି

ଉଠିଲେ ଖାଇବ ଫଳ ଜଳଖିଆ 

ମୁହଁ ଧୋଇ ଦାନ୍ତଘସି ।

ସଜେଇ ରଖିଛି କଦଳୀ ପିଜୁଳି

ଚକୁଳି ପିଠା ମିଠାଇ 

ସୁନା ପୁଅ ମୋର ଖାଇକି ଖେଳିବ

ପାଣି ଆଉ କ୍ଷୀର ପିଇ ।

ବସିଛନ୍ତି ଆସି ଆମରି ଦୁଆରେ

ଆମ ସୁନା ସାଙ୍ଗସାଥୀ

କହିଛି ମୁଁ ତାଙ୍କୁ ରହିଥା ପିଲାଏ 

ଉଠିକି ସୁନା ଆସୁଛି ।

ପୁଷି ବିଲେଇଟା କରୁଛି ମିଆଁଉ

କାକପୋଇ କାଆକାଆ

ଉଠିଲେ ମୋ ସୁନା ହସିବ ଦୁନିଆ 

ଖୁସି ହେବ ତାର ମାଆ।