ଉଠ ଜାଗ୍ରତ ହୁଅ ହେ ନାରୀ ଜାତି

ଉଠ ଜାଗ୍ରତ ହୁଅ ହେ ନାରୀ ଜାତି

ଛାଡି ଦିଅ ତୁମର ସେ ତ୍ୟାଗମୟୀ ରୂପ

ଭୂଲିଯାଅ ତୁମର ସେ ସର୍ବଂସହା ଗୁଣ

ଧରି ନିଅ ଧରି ନିଅ ସଂହାର କାରିଣୀର ବେଶ

ସହିବାର ସୀମା ଟପିଗଲା ତା' ଲକ୍ଷ୍ମଣରେଖା

କାହିଁକି କରୁଥିବୁ ତୋର ସତୀତ୍ଵର ବାଖ୍ୟା।

ଉଠ ଜାଗ୍ରତ ହୁଅ ହେ ନାରୀ ଜାତି

ଜବାବ ଦିଅ ତୁମେ ନୁହେଁ ଅବଳା,

ପ୍ରମାଣ କର ତୁମେ ନୁହେଁ ଦୁର୍ବଳା ,

ସଂହାର କର ଯିଏ କରିଛି ତୁମ ଶରୀରକୁ ଆଖଡା

ଏ ସମାଜର ରାସ୍ତା ହୋଇଛି ବଡ଼ ଖସଡା।

ଉଠ ଜାଗ୍ରତ ହୁଅ ହେ ନାରୀ ଜାତି

କହିଦିଅ ତୁମେ ନୁହେଁ ପତିତା !

ଜଣାଇଦିଅ ତୁମେ ନୁହେଁ ଲାଞ୍ଛିତା !

ଦେଖାଇଦିଅ ତୁମ ମଧ୍ୟେ ମହିଷାମର୍ଦ୍ଦିନୀର ଉଗ୍ର ରୂପ

ତୁମେ ବି ଲକ୍ଷ୍ମୀ ବାଈ ଫୁଲନ୍ ଦେବୀ ଠାରୁ ତଦୃପ।

ଉଠ ଜାଗ୍ରତ ହୁଅ ହେ ନାରୀ ଜାତି

ପଚାର ଏ ସମାଜକୁ କାହିଁକି ଏ ଅତ୍ୟାଚାର!

ଉତ୍ତର ମାଗ ଏ କି ପ୍ରକାର ବ୍ୟଭିଚାର

ସ୍ୱର ଉଠାଅ ସ୍ୱର ଉଠାଅ ଏ ତାଡ଼ନା ବିରୋଧରେ

ଜଠରରୁ ଜୁଇ ଯାଏଁ ଶୋଇନାହଁ ଶାନ୍ତିର ନିଦ୍ରାରେ।

ଉଠ ଜାଗ୍ରତ ହୁଅ ନାରୀ ଜାତି।