Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Kabiratna N.K. Behera

Tragedy Action Inspirational

3  

Kabiratna N.K. Behera

Tragedy Action Inspirational

ଦୁଃଖ

ଦୁଃଖ

1 min
168


ଦୁଃଖ ଚାହେଁନା କେହି

ସେ ଅବାଞ୍ଛିତ

ଆସେ କିନ୍ତୁ ଅଜାଣତରେ

ଅଚାନକ

ନୀରବ ନୀସ୍ତବ୍ଧରେ

ଡାଳରେ ବସିଥିବା ପକ୍ଷୀକୁ

ହଠାତ୍ ପଥରର ଢେଲା

ବାଜିଲା ପରି

ସେ ଆସି ଦିଏ ଆଘାତ

କ୍ଷତାକ୍ତ କରେ ଶରୀର ମନ

ଝରାଏ ରକ୍ତ

ବୁହାଏ ଆଖିରୁ ତପ୍ତ ଲୁହ

ହୃଦୟରେ ଭରିଦିଏ

ଯନ୍ତ୍ରଣା ଅନେକ

ଦୁଃଖ କାୟାର ଛାୟା ପରି

ହସ ତଳର କାନ୍ଦ

ତାକୁ ଦେଖି ହୁଏ ନାହିଁ 

ଅଦେଖା ତାର ଛଦ୍ମରୂପ

ଛାତିର କୋହ

ତାକୁ ରଖି ପାରେନା ଚାପି

ମଳିନ କରିଦିଏ ମୁଖମଣ୍ଡଳ

ଅସହାୟତା ବୋଧ ହୁଏ

ନିଃସଙ୍ଗ ଲାଗେ ଜୀବନ

ମାନସିକତାର ହୁଏ ଅବକ୍ଷୟ

ଦୁର୍ବଳ ହୁଏ ଆତ୍ମବିଶ୍ଵାସ

ନିଜ ଉପରେ ଆସେ

ତିକ୍ତତାର ବିରକ୍ତି ଭାବ

ନାସ୍ତିକ ଚିନ୍ତା କରେ ଗ୍ରାସ

ଦୁଃଖ ଆସେ ପ୍ରତିକୂକ ହୋଇ

ଦେବାକୁ ସାମୟିକ ବିରତି

ସେ ଆଣି ଦିଏ ସୁଯୋଗ

ଆତ୍ମାନୁଶୀଳନରେ

ସଂଶୋଧନ କରିବାକୁ ନିଜର ତ୍ରୁଟି

ଆଗକୁ ଯିବାରେ ଯୋଗାଏ ବଳ

ଦିଏ ପ୍ରେରଣା

ତା'ଠୁ ରହିବା ପାଇଁ ଦୂରେଇ 

ସୃଷ୍ଟିକରେ ସଚେତନତା

କରିବାକୁ ଭବିଷ୍ୟତ ନିର୍ଣ୍ଣୟ

ହେଲେ ଅଧୈର୍ଯ୍ୟ ଅଥୟ

ଭାଙ୍ଗିଯାଏ ମନୋବଳ

ଏ ଦୁଃଖ ହିଁ ଶିଖାଏ

ଝୁଣ୍ଟି ପଡ଼ିଲେ ଉଠିବାର କୌଶଳ।


Rate this content
Log in