ଉତ୍କଳର ବରପୁତ୍ର ପଠାଣି ସାମନ୍ତ

ଉତ୍କଳ ଜନନୀ ବୀର ପ୍ରସବିନୀ

ପୁଣ୍ୟ ଏ ଧରା ମାଟି

ଯେଉଁଠି ଜନମି ପଠାଣି ସାମନ୍ତ

ରଚିଲେ ଧରାରେ କୀର୍ତ୍ତି l

ନୟାଗଡ଼ ଜିଲ୍ଲା ଖଣ୍ଡପଡ଼ା ଗଡ଼େ 

ଜନ୍ମ ମାଟି ଯାର ହସେ

ସେହି ଯୋଗଜନ୍ମା ଜ୍ୟୋତିର୍ବିଦଙ୍କ ର

ନାମ ଅଛି ଇତିହାସେ l

ଜ୍ୟୋତିଷ ଶାସ୍ତ୍ର ରେ ଅଗାଧ ପାଣ୍ଡିତ୍ୟ

ମାପିଲେ ପାହାଡ଼ ବୃକ୍ଷ

ଗ୍ରହ ନକ୍ଷତ୍ର ଙ୍କ ଦୂରତା ମାପିସେ

ଚାହିଁଲେ ଆକାଶ ବକ୍ଷ l

ମହାଶୂନ୍ୟରେ ଦୃଷ୍ଟି ନିକ୍ଷେପି

ଘଣ୍ଟା ଘଣ୍ଟା ଥିଲେ ବସି

ନିରବ ନିଶ୍ଚଳ ନିର୍ନିମେଷ ଚକ୍ଷୁ

ତପସ୍ୟା ନିମଗ୍ନ ଋଷି l

ପାହୁଣ୍ଡ ପାହୁଣ୍ଡ ମାପିଦେଇଥିଲେ

ପୁରୀ ମନ୍ଦିରକୁ ରାସ୍ତା

ନିଜ ଘର ଠାରୁ କେତେବା ଦୂରତା

ନଥିଲାଟି ମାପ ଫିତା l

ଏକ ଲକ୍ଷ ଅଠାବନ ହଜାର ପାହୁଣ୍ଡ

ହେଲା ସେହି ବ୍ୟବଧାନ

ଜଗନ୍ନାଥ ଙ୍କର ବଡ଼ଦେଉଳ ଟି

ତାଙ୍କ ଘର ଠାରୁ ଜାଣ l

'ଖ'ଗୋଲ, ଉଲମ୍ବୀ ଚକ୍ର ଉଦ୍ଭାବନ

କଲେ ପଠାଣି ସାମନ୍ତ

କେଇଖଣ୍ଡ କାଠି ବାଉଁଶ ନଳୀରେ

ମାପିଦେଲେ ସେ ଜଗତ l

ବ୍ରିଟିଶ ବାପୁଡ଼ା ବିସ୍ମିତ ହୋଇଲେ

ଦେଖି ତାଙ୍କ ତୀକ୍ଷ୍ଣ ବୁଦ୍ଧି

(1893) ଯାଚି ଦେଲେ ତାଙ୍କୁ

ମହାମହୋପାଧ୍ୟାୟ ବିଶ୍ୱପ୍ରସିଦ୍ଧ ଉପାଧି l

ଜ୍ୟୋତିଷ ଶାସ୍ତ୍ର ରେ ମହାନ ଗ୍ରନ୍ଥ ସେ

ଲେଖିଗଲେ ସ୍ୱ ହସ୍ତରେ

'ସିଦ୍ଧାନ୍ତ ଦର୍ପଣ ' ନାମ ହେଲା ତାର

କୀର୍ତ୍ତି ରଚିଲେ ବିଶ୍ୱରେ l

ଆଜିବି ଓଡ଼ିଆ ପାଞ୍ଜି ପଢ଼ି ଥାଏ

ଜାଣିବାକୁ ତିଥି ଦିନ

ସୂର୍ଯ୍ୟପରାଗ ଓ ଚନ୍ଦ୍ର ଗ୍ରହଣ

ସମୟର ନିର୍ଦ୍ଧାରଣ l

ପୂରାନାମ ତାଙ୍କ ଚନ୍ଦ୍ରଶେଖର

ସିଂହସାମନ୍ତ ହରିଚନ୍ଦନ ମହାପାତ୍ର 

ସ୍ୱଳ୍ପ ଅଧ୍ୟୟନେ ମହିମା ମଣ୍ଡିତ

ରଚିଲେ ଜ୍ୟୋତିଷ ଶାସ୍ତ୍ର l

ଉଣେଇଶି ଶହ ଚାରି ମସିହାରେ

ବରିନେଲେ ମହାମୃତ୍ୟୁ

ମାଟିର ଶରୀର ମାଟିରେ ମିଶିଲା

ରହିଲା ଅମର କୀର୍ତ୍ତ l