ଉତ୍କଳର ବିଜୁ
ଉତ୍କଳର ବିଜୁ
ଦୁଃସାହସୀ ନର ଗୁରୁ ବିମାନର
ଆକାଶ ଛୁଆଁ ମଣିଷ ।
ଦେଶ ସ୍ବାଧୀନରେ ସଂଗ୍ରାମୀ ଭାବରେ
ବିଚକ୍ଷଣ ସେ ପୁରୁଷ ।।
ସ୍ୱାଧୀନତା ପାଇଁ ହୋଇଲେ ବରଣ
କାରାଗାର ଗୃହ ମଧ୍ୟେ ।
ଡାକଟା ବିମାନ ନେଇ ମହାଜନ
ଇଣ୍ଡୋନେସିଆ ର ମଧ୍ୟେ।।
ଉଦ୍ଧାରିଲେ ବିଜୁ ଉପରାଷ୍ଟ୍ରପତି
ମନ୍ତ୍ରୀ ଡଚ୍ କବଳରୁ।
ଆକାଶେ ଉଡ଼ାଇ ଦିଲ୍ଲୀକୁ ଆଣିଲେ
ରକ୍ଷା କରି ବିପଦରୁ ।।
ସୁକର୍ନୁ ନିର୍ଦ୍ଦେଶେ ମନ୍ତ୍ରୀ ସାହାରିୟା
ମହମ୍ମଦ ହଟ୍ଟ ଭାଇ ।
ଆନ୍ତର୍ଜାତିକରେ ଆଲୋଚନା କଲେ
ତାର ସ୍ୱତନ୍ତ୍ରତା ନେଇ ।।
ଆଲୋଚନା ହେଲା ନେହେରୁ ସହିତ
ପଟ୍ଟେଲ ଭାଇ ସହିତ।
ଆନ୍ତ୍ରାର୍ଜାତିକ ସ୍ତରେ ଡଚ୍ ବିରୁଦ୍ଧେ
ଖେଳିଗଲା ଜନ ମତ ।।
ଡଚ୍ କବଳରୁ ବିଜୁଙ୍କ ପାଇଁ କି
ଇଣ୍ଡୋ ହୋଇଲା ସ୍ଵାଧୀନ ।
ଭୂମପୁତ୍ର ହେଲେ ଇଣ୍ଡୋନେସିଆର
ଲୋଭିଲେ କେତେ ସମ୍ମାନ ।।
ସବୁ ତ୍ୟାଗ କରି ଦମ୍ପତି ଯେ ଦୁଇ
ଫେରିଥିଲେ ଯେ ଉତ୍କଳ ।
ସ୍ୱର୍ଣ୍ଣାକ୍ଷରେ ଲେଖା ଇଣ୍ଡୋରେ ହୋଇଲା
ସନ୍ତାନ ବୀର ଉତ୍କଳ ।।
ରାଜନୀତିରେ ସେ ଭୀଷ୍ମ ପିତାମହ
ଓଡ଼ିଶା ପାଇକି ଥିଲେ ।
ସେ ଜନସେବାରେ ସର୍ବୋଚ୍ଚ ଶିଖରେ
ସମାଜ କର୍ମୀଟେ ଥିଲେ ।।
ବନ୍ୟା ବାତ୍ୟା କାଳେ ଅଭିନବ ପାୟେ
କରିଥିଲେ ଜନ ସେବା ।
ଆକାଶ ମାର୍ଗରୁ ଖାଦ୍ୟ ପୁଡ଼ିଆକୁ
ଜନତା ଭୂଲିବ କିବା ।।
ମୁଖ୍ୟମନ୍ତ୍ରୀ ରୂପେ ବିଶ୍ଵ ବଜାରରେ
ଉତ୍କଳର ନାମ ପାଇଁ ।
ପାରାଦ୍ଵୀପ ବନ୍ଦର କଲେ ନିର୍ମାଣ
ଆର୍ଥିକ ବିକାଶ ନେଇ ।।
ଉତ୍କଳ ମାଆର ସୁଯୋଗ୍ୟ ସନ୍ତାନ
ନଥିଲା ନିକଟେ ଭୟ ।।
ଅସମ୍ଭବର ସେ ସମ୍ଭବ ବ୍ୟକ୍ତିତ୍ଵ
ପରାଜୟରୁ ସେ ଜୟ ।।