ଉତ୍କଳର ବୀର ପୁତ୍ର "ନେତାଜୀ"

ଉତ୍କଳ ପ୍ରଦେଶେ କଟକ ନଗରେ

ହୋଇଥିଲ ଜନ୍ମ ଏ ପୁଣ୍ୟ ତିଥିରେ

ମାତା ପ୍ରଭାବତୀ,ଜାନକୀ କୋଳରେ

ପରିଚିତ ହେଲ ନେତାଜୀ ନାମରେ ।

ଯେମିତି ତୁଳସୀ ବାସେ ଦି ପତରୁ

ସୁଗୁଣ ତୁମର ପିଲାଟି ଦିନରୁ

ଯୁବସାଥିଙ୍କ ର ସଂଗ୍ରାମୀ ଗୁରୁ

ସାଜିଥିଲ ଯେଣୁ ନ ଥିଲେ କେ ଭୀରୁ ।

ବାଗ୍ମୀ ବୀର ଦେହେ ଶତ ସିଂହ ବଳ

ଦେଶ ପ୍ରେମ ବହ୍ନି ଜାଳି ଦେଇଥିଲ

ତ୍ୟାଗ ଓ ସାହସ ନିର୍ଭୀକ ବିରଳ

ବ୍ୟକ୍ତିତ୍ଵ ତୁମର ଢେଉର ହିଲ୍ଲୋଲ ।

ଆହ୍ବାନ ଦେଲ ମତେ ରକ୍ତ ଦିଅ

ସ୍ୱାଧୀନତା ତୁମ ହାତେ ତୋଳି ନିଅ

ଭାରତୀୟ ଜୱାନ ଜାଗ୍ରତ ହୁଅ

ଫିରିଙ୍ଗି ମାନଙ୍କ ଯାତନା ନ ସହ ।

ଦେଶ ପାଇଁ ତୁମ ତ୍ୟାଗର ସଂଗ୍ରାମ

ଫିରିଙ୍ଗି ଙ୍କ ପାଇଁ ସତେ କିବ ଯମ

ସାଜିଥିଲ ତୁମେ ପୁରୁଷ ଉତ୍ତମ

ଆଜାଦ ହିନ୍ଦ୍ ଫୌଜ ସେନାର ମହିମ ।

ହେ ପ୍ରିୟ ନେତାଜୀ ନେତାଙ୍କର ନେତା

ଭୂଳିବୁନି କେବେ ତୁମ ମହାନତା

ଶତ୍ରୁ ଙ୍କୁ ଦମନ କରି ସାମରଥା

ଭେଟି ଦେଇଗଲ ପୂର୍ଣ୍ଣ ସ୍ଵାଧୀନତା ।

ଦେଶର ଗୌରବ ନେତାଜୀ ସୁବାଷ

ଦୁରେ ଥାଇ ତୁମେ ଦିଅ ହେ ଆଶିଷ

ଏ ଉତ୍କଳ ମାଟି ଏ ଭାରତ ବର୍ଷ

ସର୍ବଦା ବିଶ୍ୱରେ ରଖୁ ତାର ଯଶ ।