ଉତ୍କଳ ଜନନୀ

ଉତ୍କଳ ଜନନୀ କଲ୍ୟାଣ ପ୍ରଦାୟୀ,         

ତୁମେ ମମତାମୟୀ ସେନେହମୟୀ ।        

ଧରା ପୃଷ୍ଠେ ଅବତରଣ ହୋଇ,          

ରଖିଛ ଉତ୍କଳୀୟମାନଙ୍କୁ କାନି ପଣତେ ଘୋଡାଇ ।                      

ସବୁ କଷ୍ଟ ସବୁ ଦୁଃଖ ନିଜେ ସହ୍ୟ କର ଆଗଭର ହୋଇ,  

ସନ୍ତାନସନ୍ତତିମାନଙ୍କ ଉପରେ ବିପଦ ପଡିବାର ଆଭାସ ପାଇ ।                 

ସାଗର ତୁମ ଚରଣ ଧୌତ କରିଯାଏ ,       

ସେ ସାଗର ତୁମ ଚରଣ ସ୍ପର୍ଶ ପାଇ ଅନ୍ୟ ହୋଇଯାଏ ।                     

ଉତ୍କଳ ଜନନୀ ତୁମେ ସ୍ୱର୍ଗାଦପି ଗରୀୟସୀ ,      

ତୁମ କୋଳେ ଜନମି ଆମେ ଉତ୍କଳୀୟ ହୋଇଛୁ ଭାରୀ ସାହାସୀ ।                

ତୁମ ଅବଦାନ ଆମ ପ୍ରତି ଅତୁଳନୀୟ ,       

ତୁମ କୋଳେ ଜନମି ଧନ୍ୟ ଆମେ ଉତ୍କଳୀୟ ।