ପିତା ମାତା

ପିତା ମାତା ଶବ୍ଦ ଠାରୁ ବଡ କିଛି ନାହିଁ,        

ଜଗତେ ଏହାର ତୁଳନା କିଛି ନାହିଁ।         

ମୁଁ ଆତ୍ମା ହେଲେ ତୁମେ ଦୁହେଁ ମୋ ଶରୀର,      

ଶରୀର ଠାରୁ ଆତ୍ମା ରହି କି ପାରିବ ଦୂର ।                         

ମୋର ଆଳି ଅଝଟ ସବୁ ତୁମେ ପୂରଣ କର ,      

ଯେତେ କଷ୍ଟ ହେଲେ ତୁମେ ବକ୍ଷେ ଚାପି ଧର ।     

ଦୁଷ୍ଟ ହେଲେ ମୋତେ ଗାଳି ଦେଇ ଦେଖେଇ ହୁଅ ତୁମେ ନିର୍ଦ୍ଦୟ,                 

କିନ୍ତୁ ମୁଁ ଜାଣେ ପୁଷ୍ପ ଠାରୁ ଅଧିକ କୋମଳ ତୁମ ହୃଦୟ ।                    

ପିତା ମାତା ତୁମେ ଦୁହେଁ ମୋର ଦୁଇ ନୟନ,      

ମୋ ପାଇଁ ତୁମେ ଦେବତା ସମାନ ।        

ଆଉ କାହିଁ ପାଇଁ ଯିବି ମୁଁ ମନ୍ଦିର,         

କାହିଁକି ମାଗିବି ପାଷାଣକୁ ବର ।                            

ମୋ ପାଖେ ଅଛନ୍ତି ମୋ ଚଳନ୍ତି ଠାକୁର,       

ତାଙ୍କ ଆଗେ ନିତି ଯୋଡିଥିବି ମୁଁ କର ।