ଉର୍ମିଳା

ଅଯୋଧ୍ୟା ନରେଶ  ଦଶରଥ ସୁତ

    କୋଦଣ୍ଡ ଧାରୀ ଲକ୍ଷ୍ମଣ

ବୈଦିକ ରୀତିରେ  ବିବାହ ବେଦିରେ

     ଉର୍ମିଳାଙ୍କୁ କଲେ ବରଣ ll

ମିଥିଳା ବାସିନୀ  ଜନକ ନନ୍ଦିନୀ

     ସୁନୟନା ତାଙ୍କ ମାତା

ଅତି ଶୁଚିମନ୍ତ  ଅତି ଗୁଣବନ୍ତ

     ଭଗିନୀ ତାଙ୍କର ସୀତା ll

ରାମାୟଣେ ତାଙ୍କ  ଉତ୍ସର୍ଗୀ ଜୀବନ

     ଥିଲା ଚଉଦ ବରଷ

ନିଦ୍ରା ଦେବୀ ଠାରୁ  ନିଦ୍ରାକୁ ଆଦରି

     ଦେଲେ ଲକ୍ଷ୍ମଣେ ହରଷ ll

ଅଙ୍ଗରକ୍ଷୀ ଭାବେ  ରାମଙ୍କ ସହିତେ

     ଲକ୍ଷ୍ମଣଙ୍କୁ ପଠାଇଲେ

ଚନ୍ଦ୍ରକେତୁ ଆଉ  ଅଙ୍ଗଦ ନାମରେ

     ଦୁଇଗୋଟି ପୁତ୍ର ଥିଲେ ll

ଚଉଦ ବରଷ  ରାଜ ଭୋଗ ଛାଡି

     ନିଦ୍ରା ଆଦରି ମହାନ

ଧନ୍ୟ ସେହି ନାରୀ  ସୂର୍ଯ୍ୟ ବଂଶ ଶିରି

     ଧନ୍ୟ ତାଙ୍କ ଅବଦାନ ll