ଉପହାସର ପରିଣାମ
ଉପହାସର ପରିଣାମ
ଶ୍ରୀକୃଷ୍ଣଙ୍କ ପାଦ ପଦ୍ମେ ସଦା ରଖ ମତି
ପ୍ରକାଶିତ ହେବ ନିଶ୍ଚେଁ ସଉଭାଗ୍ୟ ଜ୍ୟୋତି ।
ବ୍ୟଙ୍ଗ ଉପହାସ କଥା ନକର କେବେହେଁ
ଆନନ୍ଦ ଉଲ୍ଲାସେ ରୁହ ସଭିଙ୍କ ହୃଦୟେ ।
ପୁରାଣ କଥାରୁ ଯାହା କରିଛି ପଠନ
ଷ୍ଟୋରି ମିରରେ ତାହା କରୁଛି ବର୍ଣ୍ଣନ ।
ଶ୍ରୀକୃଷ୍ଣଙ୍କ ପୁତ୍ର ଶ୍ୟାମ୍ବ ଅତ୍ୟନ୍ତ ସୁନ୍ଦର
ରୂପ ଗୁଣେ ତିନି ପୁରେ ନାହିଁ ପଟାନ୍ତର ।
ଚଞ୍ଚଳ ମତିରେ ଶ୍ୟାମ୍ବ ନାରଦଙ୍କ ସଙ୍ଗେ
ବ୍ୟଙ୍ଗ ଉପହାସେ ଖେଳି ଥାନ୍ତି ନାନା ରଙ୍ଗେ ।
ଅତି ବ୍ୟସ୍ତ ବିବ୍ରତରେ ଚିନ୍ତିଲେ ନାରଦ
ଶ୍ୟାମ୍ବ ମନେ ଭରି ଦେବି ବିଷାଦର ଖେଦ ।
ଛଳ ବଳେ ଶ୍ୟାମ୍ବଙ୍କୁ ଯେ ବୋଲନ୍ତି ବଚନ
ଗୋପି ସଙ୍ଗେ ଜଳ କ୍ରୀଡା କର ତୁ ବହନ ।
ଅନ୍ୟ ଦିଗେ ଶ୍ରୀକୃଷ୍ଣଙ୍କ କର୍ଣ୍ଣେ ଦେଲେ ମନ୍ତ୍ର
ତୁମ ଶ୍ୟାମ୍ବ ବୁଝେ ନାହିଁ ସଂପର୍କରେ ମାତ ।
ଗୋପାଙ୍ଗନା ସଙ୍ଗେ କରେ ରସେ ଜଳ କ୍ରୀଡା
ଶୁଣି ଗୋବିନ୍ଦଙ୍କ ମୁଖେ କ୍ରୋଧେ କ୍ଲେଶ ବ୍ରୀଡା ।
ତୁରନ୍ତ ନବୁଝି ଶ୍ୟାପ ଦେଲେ ସେ ପୁତ୍ରକୁ
ସୁନ୍ଦରତା ଲିଭି ଯାଉ ଘେନ ତୁ କୁଷ୍ଠକୁ ।
ପିତୃ ଅଭିଶାପ ବ୍ୟାଧି ସଙ୍ଗେ ବାହୁଡଇ
ମାତା ଦେଖି ଅଶ୍ରୁ ଜଳେ ଚିନ୍ତାରେ ଭାସଇ ।
ନାରଦ ଚକ୍ରାନ୍ତ ଶୁଣି ବୋଲନ୍ତି ଯେ ରାଣୀ
କେମନ୍ତେ ଆରୋଗ୍ୟ ହେବ ଆମ୍ଭ ନେତ୍ର ମଣି ।
ଶ୍ରୀହରିଙ୍କ ସମ୍ମୁଖରେ ବ୍ରହ୍ମାଙ୍କ ନନ୍ଦନ
ବୋଲନ୍ତି ରଖିବ ଏକ ଆରୋଗ୍ୟ ବଚନ ।
ଅର୍କ କ୍ଷତ୍ରେ ତୁମ୍ଭ ପୁତ୍ର କଲେ ସୂର୍ଯ୍ୟ ପୂଜା
ବାହୁଡିବ ପୂର୍ବ ରୂପ ଲିଭି ଯିବ ସଜା ।
ବିଦାୟ ଘେନିଣ ଶ୍ୟାମ୍ବ ଚଳନ୍ତି ଉତ୍କଳ
ଭକ୍ତି ଚିତ୍ତେ ବସି ଗଲେ ଚନ୍ଦ୍ରଭାଗା କୂଳ ।
ପୂଜାରେ ସନ୍ତୁଷ୍ଟ ହୋଇ ଗଗନୁ ଭାସ୍କର
ଆନନ୍ଦେ ଆଶୀଷ ଦେଲେ ବ୍ୟାଧି ହୁଏ ଦୂର ।
ଦିବ୍ୟ କମନୀୟ ରୂପେ ବାହୁଡିଲେ ଶ୍ୟାମ୍ବ
ସର୍ବଦା ରଖିଲେ ଅନ୍ୟ ପ୍ରତି ସ୍ନେହ ଭାବ ।
#SM Boss