ଉଜାଗର

ସାରାରାତି ବସି ଜାଗର ଜାଳିଛି

ପ୍ରିୟତମ ପ୍ରେମଟିକେ ପାଇଁ

ଏଜନମେ ସିନା ମିଳିପାରିଲାନି

ପ୍ରତାରଣାରେ ଜଳିଲି ମୁହିଁ ।

ହାତଧରିନେବ ବଧୁ ସଜାଇବ

କଥା ଦେଇଥିଲ ପରା

କେମିତି ଭୂଲିଲ ଆଗେଇ ଚାଲିଲ

ଦେଉନାହିଁ ଆଉ ଧରା ।

ପ୍ରତାରିତ ହୋଇ ବୁଝିତ ଯାଇଛି

ରକ୍ଷାକଲେ ମହାଦେବ

ଜାଳୁଛି ଜାଗର ରହି ଉଜାଗର

ସନ୍ତୋଷେ ପୂଜୁଛି ଶିବ ।

ହଳାହଳ ବିଷ ଗରଳ ଭକ୍ଷି ସେ

ନୀଳକଣ୍ଠ ବୋଲାଇଲେ

ବିଶ୍ୱରକ୍ଷାକରି ବିଶ୍ୱବନ୍ଦ୍ୟପ୍ରଭୂ

ମୋତେ ତ୍ରାହି କରିଦେଲେ ।

କପଟି ପ୍ରେମିକ ଦେହର ପୂଜକ

ଯୋଗ୍ୟନୁହେଁ ପ୍ରେମ ଲାଗି

ଭବିଷ୍ୟତ ପନ୍ଥା ପାଇବା ଆଗରୁ

ଆସିଛି ଆଶୀଷ ମାଗି ।