ଲାଇବ୍ରେରୀ
ପ୍ରୋଫାଇଲ୍
ଉଦ୍ଧାର କରେ ଲୋ ମାଆ
ଉଦ୍ଧାର କରେ ଲୋ ମାଆ
1 min
167
ଦୁଇ ହାତ ଯୋଡି ଆକୁଳେ ଡାକଇ
ମରଣ ଆସୁଛି ପାଖେଇ ପାଖେଇ
ଉଦ୍ଧାର କରେ ଲୋ ମାଆ,
ବଇରୀ ଜାଣିନି ତୋହରି ମହିମା
ସବୁ ଦୋଷାଦୋଷ କରିଦେଇ କ୍ଷମା
ଆମକୁ ହୁଅ ତୁ ସାହା ।
ଦୂର ଦେଶୁଁ ଆସି କୋରୋନା ରାକ୍ଷସ
ସବୁରି ଓଠରୁ ଟାଣିନେଲା ହସ
ଚାରି ଆଡେ ଖାଆଁ ଖାଆଁ,
ନେଇ ମୋ ଭକତି ଦେଖା ତୋ ଶକତି
ଦାନବ ହାତରୁ ଦେଏ ଲୋ ମୁକତି
ହସୁ ସହରଠୁଁ ଗାଆଁ।
ପୂର୍ବପରି ମିଳୁ ପୂର୍ଣ୍ଣ ସ୍ବାଧିନତା
ପରାଜୟ ଲଭୁ ଶତ୍ରୁ କଳୁଷତା
ଦେଖା ତୁ ନୂତନ ରାହା,
ଆଶୀର୍ବାଦ ତୋର ଟୀକା ରୂପ ନେଇ
ମରତ ଭୁଇଁରେ ଆସୁ ଲୋ ଓହ୍ଲାଇ
ଲିଭାଉ କୋରୋନା ନାଆଁ।
