ଉଦାରତା
ଉଦାରତା
ଉଦାରତା ଏକ ଦେବ ତୁଲ୍ୟ ଗୁଣ
ଯାହାର ହୃଦରେ ଥାଏ
ଅପସାରି ଦିଏ ନିଜ ପର ଭାବ
ସଭିଙ୍କୁ ସମାନେ ଚାହେଁ l
ଭୁଲି ଯାଏ ସିଏ ଟିକି ଟିକି କଥା
ଛୋଟ ଛୋଟ ଅଭିମାନ
କ୍ଷମା ଆଚରଇ ସମସ୍ତଙ୍କୁ ସିଏ
ପାଇଥିଲେ ବ୍ୟଥା ମାନ l
ଈଶ୍ୱରଙ୍କୁ ଯୀଶୁ ପ୍ରାର୍ଥନା କରିଲେ
କ୍ଷମିବାକୁ ଅପରାଧ
ଦୋଷୀ ପ୍ରତି ତାଙ୍କ ବିଦ୍ୱେଷ ନଥିଲା
ସହିବି ଯନ୍ତ୍ରଣା ସ୍ୱାଦ l
ଉଦାର ଲୋକର ସହିବା ଶକତି
କଳନା କରି ନୁହଁଇ .
ମନ୍ଦ ଆଚରଣ ପ୍ରତିଦାନେ ସିଏ
ସ୍ନେହରେ ନିଏ କୋଳାଇ l
ବଶିଷ୍ଠଙ୍କ ପରି ଉଦାର ମହର୍ଷି
ଯଜ୍ଞ ରେ ଦେଲେ ଆହୁତି
ନିଜ ମୃତ୍ୟୁ ବେଳ ସନ୍ନିକଟଜାଣି
ଯଜ୍ଞରୁ ନୋହିଁ ବିରତି l
ହୃଦୟ ନିର୍ମଳ ଖୋଲାକାଶ ପରି
ଅନନ୍ତ ବିସ୍ତୃତି ତାର
ଉଦୟ ତହିଁରୁ ଉଦାରତା ଜହ୍ନ
କିରଣ ତା ଶୁଭ୍ରତାର ll
ସୌମ୍ୟ ଜ୍ୟୋତ୍ସ୍ନା ଧାରା ଜହ୍ନଙ୍କ ଅଟଇ
ଆଲୋକିତ କରେ ଧରା
ଉଦାର ବ୍ୟକ୍ତିତ୍ୱ କୋମଳ ସ୍ଵଭାଵ
ଜିଣନ୍ତି ହୃଦୟ ସାରା l
ସେପରି ମାନବ ପାଖରେ ସଭିଙ୍କ
ମଥା ସଦା ନଇଁ ଯାଏ
ନର ଦେହେ ସିଏ ନାରାୟଣ ବୋଲି
ଜଗତ ତାହାଙ୍କୁ କହେ l