ତୁମଠୁ ହିଁ ଶିଖିଥିଲି

ଆଜି ଭାବୁଛି

ପ୍ରେମ ହିଁ ନିରବତାର

ପ୍ରକୃତ ଭାଷା......

ଅପ୍ରକାଶ୍ୟରେ ମଧ୍ୟ ବୁଝି ହୋଇଯାଏ 

ତୁମଠୁ ତ ଶିଖିଥିଲି ଏସବୁ ।

ଆଜିର ଏ ଶୀତୁଆ ସକାଳ

ଗୁମ୍ ସୁମ୍ ପରିବେଶ ମଧ୍ୟରେ

ତୁମର ଅନେକ ଭାଷା

ମୋ ମନର ଅପ୍ରକାଶ୍ୟରେ

ମୋ ଲାଳିତ୍ୟର ତରଙ୍ଗରେ ।

ଦୁଷ୍ଟାମୀର ଆଳ ନେଇ

ମୋତେ ଚିଡ଼େଇବାର ଢଙ୍ଗ

ପୁଣି ଲୁଚି ଲୁଚି ମୋ ପ୍ରତିକ୍ରିୟାକୁ

ବାଁଆରେଇ ବାଁଆରେଇ ମୋତେ

ଦେଖିବାର ଠାଣି,

ସବୁ ମନେପଡେ ଏଇ

ଶୀତୁଆ ସକାକ ରେ ।

ବେଳେ ବେଳେ ତୁମର ଥଟ୍ଟା ପରିହାସ

ତୁମ ଉପରେ ହିଁ ଭାରି ପଡ଼ିଯାଏ

ଯେତେ ପର୍ଯ୍ୟନ୍ତ ମୁଁ

ନିରବ ନ ଥାଏ ।

ଏ ନୀରବତା

ମୋ ଅଭିମାନ ନୁହେଁ

ତୁମକୁ ଚିଡ଼େଇବାର

ଅନ୍ୟ ଏକ ଠାଣି ।

ଆଜି ସତ କହୁଛି

ଏ ଠାଣିଟା,

ତୁମଠୁ ତ ଶିଖିଥିଲି ।