ଲାଇବ୍ରେରୀ
ପ୍ରୋଫାଇଲ୍
ତୁମରି ତୁଳନା କାହିଁ
ତୁମରି ତୁଳନା କାହିଁ
1 min
186
ତୁମେ ପରା ଆମ କୁନି ବୈଜ୍ଞାନିକ
ତୁମଠୁ ଶିଖିବୁ ଆମେ
ତୁମ ଭାବନାର ନାହିଁ ପଟାନ୍ତର
ଲଗାଇବୁ ଦେଶ କାମେ।
ତୁମେ ମାନେ ଏହି ଦେଶ ଭବିଷ୍ୟତ
ପ୍ରଗତିର ଚାବି କାଠି
ତୁମେ ହିଁ ଗଢ଼ିବ ସୁରମ୍ୟ ନଗର
ସୁଜଳା କରିବ ମାଟି।
ତୁମେ ସୂତ୍ରଧର ରାମ ରାଇଜର
ରାବଣର ଚିର ଅରି
ସୀତା ମାତାଙ୍କର ସୁରକ୍ଷା କବଚ
କିଏ ହେବ ତୁମ ସରି?
ତୁମ ପରିବେଶ ହେବ ହସହସ
ତୁମରି ଯତନ ପାଇଁ
ତୁମେ ହିଁ ତାହାର ବୀର ସଇନିକ
ତୁମରି ତୁଳନା କାହିଁ?
ତୁମରି ତୂଳୀରେ ତୁମେ ଆଙ୍କିଦିଅ
ନୂତନ ବିଶ୍ଵର ଛବି
ଜ୍ଞାନ ଅରୁଣିମା ଚତୁର୍ଦ୍ଦିଗେ ଖେଳୁ
ଉଇଁ ଆସୁ ନବ ରବି।
