ତୁମପାଇଁ

ତୁମପାଇଁ ପ୍ରଭୁ ଏ ମୋର ଜୀବନ ,

 ଦେଇଛ ଅନେକ ସୁଖ

ନଦେଇଛ ବୋଲି କହିବି କେମିତି ,

 ଦେଇଛ ବହୁତ ଦୁଃଖ

ମନର ସୋହାଗ ମନର ଆନନ୍ଦ ,

 ଛଡାଇ ନେଇଛ ହରି

ମୋ ମନର ଆଶା ମଉଳି ଯାଇଛି ,

 ତୁମକୁ ମୁଁ ଅନୁସରି

ଆଶାର ସଉଧ ଭାଙ୍ଗିରୁଜି ଯାଏ ,

 କହ କେଉଁ ବିଶ୍ବାସରେ

ଡାକିବି ତୁମକୁ, ମୋ ପ୍ରାଣ ଠାକୁର ,

 ମନକଥା ମନେ ମରେ

ସୁଖ,ସୋହାଗର ବିପୁଳ ସୈାଭାଗ୍ୟ

 ମହାବାହୁ ବା‌ହୁ ବିସ୍ତାରି

ନମାଗି ବିପୁଳ ବୈଭବ କିପାଇଁ

 ଦେଉଥିଲ ହସ୍ତ ବିସ୍ତାରି

କେତେଆଉ ଦୁଃଖ ଦେବ ରମା ପତି ,

 ତୁମ ପାଇଁ ଏ ହୃଦୟ-

ମନ୍ଦିର ମୁକୁଳା ପଡ଼ିଛି ସଦୟେ ,

 ଆସି ବିରାଜିତ ହୁଅ