ତୁମେ
ତୁମେ
ତୁମେ ସଙ୍ଗୀତର
ମଧୁର ମହ୍ଲାର
ମୁଁ ବେସୁରା ରାଗିଣୀଟିଏ,
ତୁମେ ଶ୍ରାବଣର
ସିକ୍ତ ଝରଣାଟେ
ମୁଁ ଶୁଷ୍କ ବେଳାଭୂମିଟିଏ l
ତୁମେ ବସନ୍ତର
ବାସ୍ନାଭରା ବାଆ
ମୁଁ ରଙ୍ଗହୀନ ଛବିଟିଏ,
ତୁମେ ପୂର୍ଣ୍ଣମୀର
ରୂପ ଭରା ଚାନ୍ଦ
ମୁଁ ଅଭିଶପ୍ତ ତାରାଟିଏ l
ତୁମେ ତନ୍ଦ୍ରା ଭରା
ରାତିର ସପନ
ମୁଁ ମରୁ ଯାଯାବର ଟିଏ
ତୁମେ ପ୍ରଭାତର
ସୁନେଲି କିରଣ
ମୁଁ ଉଆଁସୀ ଅମାଶ୍ୟା ଟିଏ ।
ତୁମେ ରଙ୍ଗଭରା
ଫୁଲର ପସରା
ମୁଁ ବୃନ୍ତହୀନ କଢିଟିଏ,
ତୁମେ ଫଗୁଣର
ମହୁଆ ବଉଳ
ମୁଁ ବାସ୍ନାହୀନ ରୁତୁଟିଏ ।।