ତୁମେ

ତୁମେ 

ହୃଦୟର କେଉଁ ଏକ 

ନିବୃତ କୋଣରେ ରହିଛ

ସାଇତା ହୋଇ ।

ଅନେକ କିଛି 

କହିବାର ସାହସ କରିଛି

ପୁନଶ୍ଚ ମନ ଫେରେଇ ଆଣିଛି

କାଳେ ତମେ ଭୁଲ ବୁଝିବ,

ଭୁଲ ବୁଝିବେ ତମକୁ

ପରିଚୟ ଦେଇଥିବା ପ୍ରକୃତି ।

ସବୁ କିଛି 

କହି ହୁଏନି ବୁଝିଲି !

ସବୁ ମାନ ଅଭିମାନ 

ବେଳେବେଳେ କଲବଲ କରେ

ଅର୍ଦ୍ଧଦଗ୍ଧ ଶରୀର ପରି,

ଇଚ୍ଛା ସବୁ ମାରିବାକୁ ହୁଏ

ବସ୍ ଷ୍ଟାଣ୍ଡରୁ ଫେରି ।

ହଜିଲା ପ୍ରେମ

ଆଉ ତମେ ଏକା ଲାଗିଲ,

ପରେ ହୃଦୟ ଚାହିଁଲା

ଗୋଟେ କପ୍ କଫି

ହେଲେ ସମୟ ଧୋକ୍କା ଦେଲା

ବାଧ୍ୟ ହେଇ ସବୁ ଦେଲି ଚାପି ।

ହସ ସବୁବେଳେ

ନିଜକୁ ନିଜପରି ଗଢି,

ବାସ୍ ଏତିକି ଆଶା

ଯଦି କେବେ ଦେଖା ହୁଏ

ଯଦି ହୃଦୟର ଇଚ୍ଛା ଆକାଶ ଛୁଏଁ

ଗୋଟେ ହଗ୍ ମୋ ପାଇଁ ଦେଇପାର ନିଜ ନାଁରେ ।