ତୁମେ

ତୁମେ ମୋ ଜୀବନେ ପହିଲି ଫଗୁଣ 

ତୁମ ରୂପ ସନ୍ଦର୍ଶନେ ପୁଲକିତ ମୋ ତନୁ ମନ।

ତୁମ ବାହୁର ବନ୍ଧନେ ବାନ୍ଧି ହୋଇ ସବୁଦିନ 

ମୁଁ କରୁଥିବି ତୁମ ରୂପ ଦର୍ଶନ।

ତୁମ ଅଧରର ମଧୁ ପିଇ 

ରଙ୍ଗୀନ ପ୍ରଜାପତି ପରି ନିଜକୁ ସଜାଇ

ଘୁରି ବୁଲୁଥିବି ତୁମ ଅଗଣାରେ 

କି ଦିନ କି ରାତି।

ପାଇବା ପାଇଁ ମୁଁ ପୁଲକିତ ସ୍ପର୍ଶ 

ଚାହିଁ ରହିଥାଏ ପ୍ରତ୍ୟେକ ଦିବସ।

ପାଇଗଲେ ତୁମ ସ୍ପର୍ଶ 

ରୋମାଞ୍ଚ ହୋଇଯାଏ ମୋ ଦେହ।

ତୁମେ ମୋ ପ୍ରିୟ 

ମୁଁ ତୁମ ପ୍ରେୟସୀ

ଦୁହେଁ ଏକ ହୋଇ

ଗଢ଼ିବା ଏକ ନୂତନ ସୃଷ୍ଟି।

ଯେଉଁଥିରେ ଥିବ ତୁମର ଓ ମୋର

ପ୍ରେମର ପ୍ରତୀକ

ହସି ଖେଳି ବୁଲୁ ଥିବେ

ଏଇ ଆମ ଅଗଣାରେ

ଆମେ ଦୁହେଁ ଜଗି ବସି ଦେଖୁଥିବା

ସେମାନଙ୍କ ଖିଲି ଖିଲି ହସ

ଭୁଲିଯିବା ଆମେ ଆମ ଜୀବନର ସବୁ କଷ୍ଟ।

ଜୀବନର ସବୁ କଷ୍ଟ।