ଲାଇବ୍ରେରୀ
ପ୍ରୋଫାଇଲ୍
ଛିନ୍ନ ଏ ବନ୍ଧନ
ଛିନ୍ନ ଏ ବନ୍ଧନ
1 min
134
ଶିକୁଳି ଯାଇଛି ଛିଡି
ଆବଦ୍ଧ ବନ୍ଧନ ଉନ୍ମୁକ୍ତ
ଶୃଙ୍ଖଳର ଅବରୋଧ
ମାନେନା ଅଡା ଆକଟ ll
ଲକ୍ଷ୍ୟହୀନ ପଥ
ସୀମାହୀନ ଆଶା
ମିଛ ମାୟା ମରୀଚିକା
ଚାଲିବାକୁ ହେବ ଏକା ll
ଚାଲିଛି ଆଗକୁ
ପଥ ସରୁନାହିଁ
ଆହୁରି ଅନେକ ବାକି
ପାଦ ବି ଗଲାଣି ଥକି ll
ରାସ୍ତା କେବେ ସରେନା
ଅଭାବ ବି ପୁରେନା
କ୍ଷଣିକ ଉତ୍ତେଜନାରେ
ବିବେକ ବାଧା ଦିଏନା ll
ପ୍ରତାଡିତ ପ୍ରେମିକ
ବହୁ ଘାତ ପ୍ରତିଘାତରେ
ଆହତ ଅନିର୍ବାର
ବିଚଳିତ ମସ୍ତିଷ୍କ ll
ପ୍ରତିଶୋଧର ବହ୍ନି ରେ ଜର୍ଜରିତ
ପ୍ରତାରଣା ରେ କ୍ଷତାକ୍ତ
ଆଉ ଅଘୋଷିତ ଯୁଦ୍ଧ ପାଇଁ
ଅସ୍ତ୍ର ଧରି ପ୍ରସ୍ତୁତ ll
ଛିନ୍ନ କରି ବନ୍ଧନ
ଉଡି ଯାଏ ଦୂର ଗଗନ
ଖୁସି ଲାଗେ ଆଜି ବେଶୀ
ମୁକ୍ତ ମନ ଗହନ ll
