ତାଲାବନ୍ଦ ଓ ଜୀବନ

ବିଶ୍ଵ ଆଜି--

କରୋନା କବଳରେ କବଳିତ, 

ଅଜଣା ମୃତ୍ୟୁର ଯନ୍ତ୍ରଣାରେ ଜର୍ଜରିତ

ସୁଖ ନା ଶାନ୍ତି ;

ଜନଜୀବନ ଅସ୍ତବ୍ୟସ୍ତ ll

ବଞ୍ଚିବା ମୁସ୍କିଲ୍ ଏଠି, 

ପ୍ରତି ମୁହୂର୍ତ୍ତରେ ଗୃହ ବନ୍ଦୀ 

ଉପହାସ୍ଯ କରେ, ଧିକ୍କାର କରେ ;

ମାନବର ଦାନବ ପଣିଆର - 

ଧୃଷ୍ଟତା ରୁ ସୃଷ୍ଟ ଆତଙ୍କ ଭୟରେ ll

କାଳର କରାଳ ଛାୟାରେ ସନ୍ତାପିତ, 

ଗୃହବନ୍ଦୀ, ତାଲାବନ୍ଦ ଘୋଷଣାକୁ ଫୁ କରି.... 

ଉଡାଇ ଦିଏ ଜନତା 

ନ ହେଲେ ମୃତ୍ୟୁ ସୁନିଶ୍ଚିତ ll

ଅର୍ଥନୀତି ବିଗିଡ଼ି ଗଲାଣି 

ଅଭାବ ମାଡି ଆସିଲାଣି ;

ଦାରିଦ୍ର୍ୟ ବେକାରୀ ତାତ୍ସଲ୍ୟ କରେ-

ଇଙ୍ଗିତ କରେ ଦେଶର ପ୍ରଗତିକୁ ll

ଶିକ୍ଷାର୍ଥୀଙ୍କ ଭାଗ୍ୟ ସୂତା ଖିଅରେ, 

ବସ୍ତାନି ଝୁଲୁଛି କାନ୍ଥ କଣ୍ଟାରେ 

ମୋବାଇଲ ରେ ଅନଲାଇନ ପାଠ ;

ଅର୍ଦ୍ଧେକ ସମୟ ୟୁ ଟ୍ୟୁବରେ ll

ଯାନିଯାତ୍ରା, ମେଳମହୋତ୍ସବ, 

ବିଭା ବଡପଣ ସବୁ ବନ୍ଦ;

ସାମାଜିକ ଶୃଙ୍ଖଳା ଦିଗହରା 

ମନସ୍ତାପରେ ଆତ୍ମହତ୍ଯା ବଢି ଚାଲିଛି ll

ଡାକ୍ତର ଶିକ୍ଷକ ସେବିକା ପୋଲିସ 

ନିରବିଚ୍ଛିନ୍ନ କାର୍ଯ୍ୟରତ, 

ଏକ ଅଦେଖା ଯୁଦ୍ଧର ସୈନିକ 

ନା ଅଛି ପ୍ରତିଷେଧକ, ଖାଲି ଆତ୍ମବିଶ୍ବାସ-

ବିଶ୍ଵ ଜିତିବ କରୋନା ହାରିବ ll