ଇଚ୍ଛା ହୁଏ

ହେ! ପ୍ରିୟତମ ତୁମେ ଯଦି ହୁଅନ୍ତ ସୁନ୍ଦରତମ ପୁରୁଷ ,

ମୁଁ ହୁଅନ୍ତି ସୁନ୍ଦରତମ ନାରୀ।

ତୁମେ ଯଦି ହୁଅନ୍ତ ଅନନ୍ତ ନିଳୀମା ଆକାଶ ତେବେ

ମୁଁ ହୁଅନ୍ତି ସେ ନିଳୀମା ର ଶୋଭାବର୍ଦ୍ଧନ କାରିଣୀ ସନ୍ଧ୍ୟା

କାଳୀନ ମେଘ ଖଣ୍ଡ।

ତୁମେ ଯଦି ହୁଅନ୍ତ ନୀଳ ସରସୀର ଜଳ,

ମୁଁ ହୁଅନ୍ତି ତା ବୁକୁରେ ନୀଳ ଇନ୍ଦିବର।

ତୁମେ ଯଦି ହୁଅନ୍ତ ସବୁଜ ଶ୍ୟାମଳ ପୃଥିବୀ,

ମୁଁ ହୁଅନ୍ତି ପୃଥିବୀ ବୁକୁରେ ତରଙ୍ଗାଇତ ନୀଳ ଶୈଳଶ୍ରେଣୀ।

ତୁମେ ଯଦି ହୁଅନ୍ତ ଶାନ୍ତ, ସୁନୀଳ ବିଶାଳ ସମୁଦ୍ର,

ମୁଁ ହୁଅନ୍ତି ତା ବୁକୁରେ କୋମଳ ଶୈବାଳୀନୀ।