ତୁମେ ସତ୍ୟ

ହେ ଜଗନ୍ନାଥ.. ହେ ଜଗନ୍ନାଥ..

ତୁମେ ସତ୍ୟ, ସନାତନ

   ତୁମେ ଅକ୍ଷୟ ଶକ୍ତିର ଦୃଷ୍ଟାନ୍ତ l0l

ସତ ଠାରୁ ମିଛ ନୁହଇ ଦୂର

ମିଛ ଶରୀରରେ ସତ୍ୟ ସମ୍ଭାର

ପାର୍ଥିବ ଶରୀର କ୍ଷଣ ଭଙ୍ଗୁର

ସନାତନ ହୋଇ କର ବିହାର

ଅଳିକ ଜୀବନେ କ୍ଷଣିକ ସୁଖରେ

ହୋଇଯାଏ ପ୍ରଭୁ ମୁହିଁ ପତିତ l1l

ଆଲୋକ ଅନ୍ଧାର ନୁହେଁ ଏକାଠି

ପାପ ସହ ପୁଣ୍ୟ କରୁଛ ଗଣ୍ଠି

କେତେ ପାପେ କେତେ ପୁଣ୍ୟର ଗଣ୍ଠି

ଫିଟାଇ କରୁଛ ତାର ସମଷ୍ଟି

ଗୁଣନ ଫେଡ଼ାଣ ଅଙ୍କ କଷି କଷି

ଦେଖାଇଦେଉଛ ନିର୍ଦ୍ଧିଷ୍ଟ ପଥ l2l