ଲାଇବ୍ରେରୀ
ପ୍ରୋଫାଇଲ୍
ତୁମେ ନୀରବର
ତୁମେ ନୀରବର
1 min
145
ତୁମେ ମୋର ଚିନ୍ତା ଓ ଚେତନା
ନୀରବରେ ରହି ରହି ଆସ
ତୁମେ ମୋର ଆଖିକୋଣ ଲୁହ ଢଳ ଢଳ
ନୀରବରେ ପାଖେଆସି ବସ।
ତୁମେ ମୋର ଅଭିମାନ ,ମୋ ସର୍ବସ୍ୱ
ନୀରବରେ କୋଳେଇ ନେଇଛ
ତୁମେ ମୋର ପ୍ରେମ ପ୍ରତିଶ୍ରୁତି
ନୀରବରେ ପାଳନ କରିଛ ।
ତୁମେ ମୋର ଅପଲକ ନେତ୍ର
ନୀରବରେ ଦେଖଇ ତୁମକୁ
ତୁମେ ମୋର ପାହାନ୍ତି ସପନ
ନୀରବରେ ଆସୁଛ ପାଖକୁ ।
ତୁମେ ମୋର ଲୁଚା ଲଫାପାରେ
ନୀରବ ଅକ୍ଷର
ତୁମେ ମୋର ଫଗୁଣର ଫଗୁ ରଙ୍ଗ
ନୀରବ ସ୍ୱାକ୍ଷର।
ତୁମେମୋର ମହାର୍ଘ ନିର୍ମାଲ୍ୟ
ନୀରବରେ କାଣିଚାଏ ପାଏ
ତୁମେ ମୋର ବାରମାସୀ ତେର ପର୍ବ
ନୀରବରେ ଆସେ ଆଉ ଯାଏ।
