ତୁମେ ମୋ ସପନ ରାଣୀ

ପ୍ରୀତି ଇଲାକାର ସପନ ରାଇଜେ

ତୁମେ ମୋ ସପନ ରାଣୀ

ବାନ୍ଧି ନେଲ କେବେ ହୃଦୟକୁ ମୋର

ପାରିଲିନି ଟିକେ ଜାଣି    ।

ଫାଲଗୁନର ତୁମେ ଧୂର୍ବତାରା ଗୋ

କାର୍ତ୍ତିକ କାକର ବିନ୍ଦୁ

ମାର୍ଗଶିରେ ତୁମେ ହିମାଳ ଶୀତ ଗୋ

ଶରତ ନିର୍ମଳ ଇନ୍ଦୁ    ।

ତୁମେ'ତ ଦେଇଛ ମଳୟ ପରସ

ସାଜି ପ୍ରୀତି ରାଜଜେମା

ଫୁଲେଇ ସୁଷମା ଆଗୋ ଅନୁପମା

ଦୋଷ କରିଦେବ କ୍ଷମା   ।

ଜ୍ଯୋସ୍ନାରାଣୀ ତୁମ ଜୋଛନା ଘେରରେ

ହଜି ମୁଁ ଯାଇଛି ଆଜି

ଆଖି ପଲକରେ ବାନ୍ଧି ରଖ ମୋତେ

ରହିବି କଜ୍ଜଳ ସାଜି    ।

ବିରହ ଯନ୍ତ୍ରଣା ଜଳାଏ ମନକୁ

ଛାତିରେ ଲଗାଇ ନିଆଁ

ଢାଳି ଦିଅ ପ୍ରୀତି ବରଷାର ଧାରା

ଦେଇ ଓଠ ଧାରେ ଛୁଆଁ   ।