ଲାଇବ୍ରେରୀ
ପ୍ରୋଫାଇଲ୍
ତୁମେ ମୋ ଜୀବନ
ତୁମେ ମୋ ଜୀବନ
1 min
10
ତୁମେ ମୋ ଜୀବନ ହେ ଚକା ନୟନ
ମୁକତି ପସରା ତୁମେ
ଜଗନ୍ନାଥ ସ୍ଵାମୀ ଜଗତ ପାଳକ
କିଏ ଡାକେ କେଉଁ ନାମେ।
ରତ୍ନ ସିଂହାସନ ଗରଵ କରେନି
ଧରି ରଖିଅଛି କୋଳେ
ଭକତ ବସିଛି ତୁମ ନାମ ଜପି
କଳ୍ପ ବଟ ବୃକ୍ଷ ତଳେ।
ପ୍ରାଚୀର ର ନାମ ମେଘ ନାଦ ଅଟେ
ସମୁଦ୍ର ଯେ ମହୋଦଧି
ତୁମରି ସେବାରେ ହୋଇ ନିୟୋଜିତ
ରଖିଛନ୍ତି ସର୍ବ ବିଧି।
ସ୍ଵର୍ଗ ଦ୍ଵାର ପରା ସୂଚାଇ ଦେଉଛି
ବେଳୁ ହୁଅ ସାବଧାନ
ଉତ୍ତମ କର୍ମରେ ସୁଫଳ ମିଳିବ
ସୁଖଦ ହେବ ମରଣ।
ମରଣରେ କାର ହାତ ନାହିଁ ଜମା
କାଳିଆ ହାତରେ ଡୋରି
ଜୀବନକୁ କେବେ ଅସାର ନ ମଣି
ଚାଲିବା ତାଙ୍କୁ ସୁମରି।
