ତୁମେ ମୋ ବୀଣାର ସୁମଧୁର ତାନ
ତୁମେ ମୋ ବୀଣାର ସୁମଧୁର ତାନ
1 min
184
ପ୍ରିୟତମା ତୁମେ ମୋ ସୁଖର ସୀମା
ମଳୟ ମୃଦୁ ସମୀର
ମଧୁ ବସନ୍ତର ସ୍ନିଗ୍ଧ ସୁଶୀତଳ
ପ୍ରୀତି ଶାନ୍ତି ସୁଧା ନୀର ।
ମୋ ମନ ଆକାଶେ ଶୁଭ୍ର ଧ୍ରୁବତାରା
ତୁମେ ଜ୍ୟୋତି ସମୁଜ୍ଜ୍ୱଳ
ସୁରଭି ସୁମନ ପ୍ରଫୁଲ୍ଲ କମଳ
ବିକଶିତ ଶତଦଳ ।
ତୁମେ କୁହୁ ସ୍ୱନ କୋକିଳ କଣ୍ଠର
ଇନ୍ଦ୍ରଧନୁ ସପ୍ତରଙ୍ଗ
ତୁମରି ଆଖିରେ ଝଲସେ ଆନନ୍ଦ
ସୃଜେ ସ୍ୱଚ୍ଛ ପ୍ରତିବିମ୍ବ ।
ସରସ ସୁନ୍ଦର ଲାଗେ ଏ ସଂସାର
ନିର୍ଝରେ ମମତା ପ୍ରେମ
ମଧୁଝରା ତୁମେ ଛାୟା ସବୁଜିମା
ପ୍ରିୟତମା ଅନୁପମ ।
ତୁମେ ମୋ ବୀଣାର ସୁମଧୁର ତାନ
ଜୀବନ ଗୀତ ସଙ୍ଗୀତ
ଲାଗେ ପରିପୂର୍ଣ୍ଣ ଥିଲେ ତୁମେ ସାଥେ
ଚାଲୁଥିଲେ ଧରି ହାତ ।
----