ତୁମେ କ'ଣ ଚାହୁଁଛ
ତୁମେ କ'ଣ ଚାହୁଁଛ
ତୁମେ କ'ଣ ଚାହୁଁଛ,
ତୁମ ପିଲା ହୁଅନ୍ତୁ ବେକାର
ନ ପାଆନ୍ତୁ କିଛି ରୋଜଗାର
ନ ପାଆନ୍ତୁ ଉତ୍ତମ ଶିକ୍ଷା
ନ ପାଆନ୍ତୁ ଉତ୍ତମ ସ୍ଵାସ୍ଥ୍ୟ
ମାଗନ୍ତୁ ଦାଣ୍ଡେ ବୁଲି ଭିକ୍ଷା ?
ତୁମେ କ'ଣ ଚାହୁଁଛ,
ପରିବେଶ ହୋଇଯାଉ ଧ୍ଵଂସ
ମଣିଷ ଖାଉ ମଣିଷର ମାଂସ
ଦୟା, ଧର୍ମ, କ୍ଷମା, ମଣିଷ ପଣିଆ
ସବୁ ହୋଇଯାଉ ଲୋପ
ଅର୍ଥ ଓ କ୍ଷମତା ପଛେ ଧାଇଁ ଧାଇଁ
ମାନବିକତା ର ହୋଇଯାଉ ବିଲୋପ ?
ତୁମେ କ'ଣ ଚାହୁଁଛ,
ରାଜନୀତି କୁ ନ ଆସନ୍ତୁ ଭଲ ମଣିଷ
ସବୁ ଆଡେ ବୁଣା ଯାଉ
ଦୁର୍ନୀତି ଓ ଭ୍ରଷ୍ଟାଚାରର ବିଷ
ସଭିଙ୍କ ମୁଖୁ ହଜିଯାଉ ହସ
ଶାନ୍ତି ମୈତ୍ରୀ ସବୁ ହୋଇଯାଉ ଶେଷ
ଏ ବିଶ୍ଵ ଜୀବଜଗତ
ସବୁ ହୋଇଯାଉ ଧ୍ଵଂସ ?
ତୁମେ କ'ଣ ଚାହୁଁଛ,
ଅପାରଗ ଆମକୁ କରନ୍ତୁ ଶାସନ
ଅର୍ଥ ବଳ ବାହୁବଳେ ସେମାନେ
ସବୁଦିନେ ଆମକୁ କରନ୍ତୁ ଶୋଷଣ
ରାକ୍ଷସ ପ୍ରକୃତିର ମଣିଷ
ଶାସନ କରନ୍ତୁ ପଛେ ବିଶ୍ଵ
ଦେବ ଦୁର୍ଲ୍ଲଭ ଗୁଣ ଓ ସ୍ୱଭାବର ମନୁଷ୍ୟ
କିବା ଯୁଗେ ଯୁଗେ ହେଉଥିବେ ହତାଶ
ନ କରିବେ ତାଙ୍କୁ କେ ଆଦର
ଅର୍ଥର ପ୍ରାଚୁର୍ଯ୍ୟେ ବୁଡିଥିବା ଖଳବଳ
ବିଶ୍ଵର ଜନଗଣଙ୍କୁ କରୁଥିବେ
ଖାଲି କ'ଣ କଲବଲ ?
ତୁମେ କ'ଣ ଚାହୁଁଛ,
ଦେଶେ ସମାଜେ ଓ ବିଶ୍ଵେ
ନ ଆସୁ ସଂସ୍କାର
ଆଇନ୍ କାନୁନ୍ ସବୁରେ ନ ହେଉ
ଠିକ୍ ବିଚାର
ଶୋଷଣ, କଷଣ, ଦୁର୍ନୀତି ଓ ଭ୍ରଷ୍ଟାଚାର
ବିଲୋପ ନ ହେଉ କିପରି ସବୁ ଅତ୍ୟାଚାର ?
ତୁମେ କ'ଣ ଚାହୁଁଛ,
ନ ଆସୁ ଶାନ୍ତି
ନ ଆସୁ ମୈତ୍ରୀ
ନ ଆସୁ ପ୍ରୀତି
ନ ଆସୁ ସ୍ନେହ ଶ୍ରଦ୍ଧା
ନ ଆସୁ ଜନଗଣଙ୍କ ମଧ୍ୟେ
ନ ବାଜୁ ବିପ୍ଳବର ଭେରୀ
ମଣିଷ ଖାଲି ଖେଳୁ
ମଣିଷ ରକ୍ତରେ ହୋଲି ?
ତୁମେ କ'ଣ ଚାହୁଁଛ,
ଆମ ପରିବେଶ
ଆମ ପ୍ରକୃତି
ଆମ ପରିବାର
ଆମ ଗାଁ ସାହି ଭାଇ ପୀରତି
ସବୁର ହେଉ କି ଇତି
ଧନୀ କେବଳ ଗାଇବେ
ବିଜୟର ଗୀତି
ନିର୍ଦ୍ଧନ ଙ୍କ ନ ରହିବ ସ୍ଥିତି
ଭୁଲି ଯିବା ସଭିଏଁ କ'ଣ
ଆମ ମା, ମାଟି
ଆମ ପରିବେଶ ଓ ପ୍ରକୃତି ?