ତୁମେ ହିଁ ତୁମେ ପ୍ରଭୁ

ତୁମର ଉପମା ତୁମେ ଏକା ପ୍ରଭୁ

କେହି ନାହିଁ ତୁମପରି

ତୁମେ ସୃଷ୍ଟି କର ବିନାଶ ବି କର

ହାତେ ଧରି ଭାଗ୍ୟ ଡୋରୀ I

ବର୍ଷା ହୋଇ ତୁମେ ଆକାଶରୁ ଝରି

ମୃଗୁଣୀ ଉଦ୍ଧାର କର

ନକ୍ର ନାଶି ଗଜ ଉଦ୍ଧାରଣ ପାଇଁ 

ଚକ୍ର ତୁମେ ପେଶି ପାର I

ପ୍ରହଲ୍ଲାଦ କଥା ସତ୍ୟ କର ତୁମେ

ଖମ୍ବରୁ ପ୍ରକଟ ହୋଇ

ଦ୍ରୌପଦୀର ଲଜ୍ଜ୍ୟା ରକ୍ଷାପାଇଁ ତୁମେ

କୋଟି ବସ୍ତ୍ର ପାର ଦେଇ I

ସ୍ୱର୍ଗ ମର୍ତ୍ତ୍ୟ ଆଉ ପାତାଳ ତ୍ରିପୁର

ତୁମ ତିନି ପାଦ ଭୂଇଁ

ବଳୀ ଅହଂକାର ନାଶକର ତୁମେ

ବାମନ ରୂପ ନେଇ I

ବିଶ୍ୱରୂପ ତୁମେ ଦେଖାଇ ଅର୍ଜୁନେ

ମୋହ ଭଙ୍ଗ କରିପାର

ଚଉଦ ବରଷ ବନବାସ କରି

ପିତୃ ସତ୍ୟ ରକ୍ଷାକର I

ଦାସିଆ ବାଉରି ଶ୍ରୀଫଳକୁ ତୁମେ

ସ୍ୱହସ୍ତରେ ପାର ନେଇ

ସାମ୍ୟଶିକ୍ଷା ତୁମେ ଦେଇଅଛ ପ୍ରଭୁ

ଜଗନ୍ନାଥ ଭାବଗ୍ରାହୀ I