ତୁମେ ଦେଇଥିବା ସିନ୍ଦୁର

ତୁମେ କଣ ଜାଣିବ ଯେ

ମୋ ପାଇଁ କେତେ ଗୂରୁତ୍ବ

ମୋ ମଥାରେ ଦେଇଥିବା

ବିନ୍ଦୁଏ ସିନ୍ଦୁର ର ଦାମ ।

ଏ ସିନ୍ଦୁର ମୋ ମଥାରେ

ନିତି ଚହଟୁଥାଉ

ତୁମ ସ୍ନେହ ମୋ ଜୀବନେ

ନିତି ବରଷୁଥାଉ

ଲାଲ ସିନ୍ଦୁରର ରଙ୍ଗ ଯେମିତି

ଆମ ରକ୍ତ ର ରଙ୍ଗ ସେମିତି ।

ସିନ୍ଦୁରା ପାଟିବା ସୂରୁଜ ଆଉ

ନିଆଁର ରଙ୍ଗ ବି ସେମିତି

କିନ୍ତୁ ସବୁ ଲାଲ ରଙ୍ଗ କଣ

ତୁମ ସିନ୍ଦୁର ରଙ୍ଗ ଭଳି ହେବ ।

ନା ..କେବେ ନୂହଁ ସମ୍ଭବ ନୂହଁ

ସେ ସିନ୍ଦୂର ସଂପୁର୍ଣ୍ଣ ଭିନ୍ନ

ଅତି ପବିତ୍ର ସେ ରଙ୍ଗ ମୋ ପାଇଁ

ଅତି ଆପଣାର ଆଉ ସୁନ୍ଦର ବି ।

ସବୁଦିନେ ଲଗାଇଦିଅନ୍ତ କି

ଅନେକ ଖୁସି ମିଳନ୍ତା ଜୀବନେ

ଶଙ୍ଖା ସିନ୍ଦୁର ଓ ଚୁଡିର ମୂଲ

ଅନ୍ୟ କାହା ସହ ତୁଳନା ନୁହଁ ।

ସେ ଅତୁଳନୀୟ ଅବର୍ଣ୍ଣନୀୟ

ତୁମେ ତାହା ବୁଝିପାରିବନି ।